WAZIRI NAPE AMTIA DOA MAGUFULI,JUKWAA LA WAHARIRI WAMCHAKAZA TENA,NI KUHUSU UBABE WAKE KULIFUNGIA GAZETI LA MAWIO,SOMA HAPO KUJUA

Katibu wa Jukwaa la Wahariri Tanzania ( TEF), Nevelle Meena (kulia) akizungumza na waandishi wa habari (hawapo pichani). Kushoto ni Mwenyekiti wa TEF,. Absalom Kibanda

JUKWAA la Wahariri Tanzania (TEF) limelaani hatua ya serikali kulifutia usajili gazeti la MAWIO na kwamba ni ukandamizaji wa vyombo vya habari nchini. Anaandika Sarafina Lidwino … (endelea).

     Jukwaa hilo limeeleza kwamba Waziri wa Habari, Utamaduni, Sanaa na Michezo, Nape Nnauye habainisha sababu za msingi za kulifuta gazeti hilo katika daftari la Msajili wa Magezeti.

        Kauli hiyo imetolewa leo Jijini Dar es Salaam na Katibu wa TEF, Nevelle Meena ambaye amezungumza kwa niaba ya wahariri na kusema kuwa, sheria kandamizi zinatakiwa kufutwa haraka iwezekanavyo kwani zinaminya uhuru wa vyombo vya habari.

        “Tunajiuliza, ikiwa ni miezi mitatu tu tangu Rais Magufuli aingie madarakani tayari amechukua hatua ya kulifuta gazeti, itakuwaje katika safari yake ya miaka mitano? Sidhani kama kuna chombo kitachopona,” anesema Meena.

     Amesema mfumo uliopo sasa wa kushughulikia matatizo au kasoro za kitaalama katika vyombo vya habari ni kandamizi kwani unamfanya waziri kuwa ‘mhariri mkuu’ na amepewa mamlaka ya kutoa adhabu kwa namna fikra zake zinavyomtuma hata fikra hizo zikikinzana na misingi ya kaaluma.

       Meena amesema kwamba, wanapinga uamuzi wa kufutwa MAWIO kwasababu, TEF inaona uamuzi wa serikali una nia mbaya kutokana na ukweli kwamba ufafanuzi wa kufutia usajili wa gazeti hilo haikuwekwa wazi na wala haikufafanua lini wahariri wa gazeti hilo walionywa.

     Sababu nyingine aliyoeleza Meena ni kuwa utaratibu uliotumika kufuta MAWIO ni ule ule wa matumizi ya sheria kandamizi ya magezeti ya 1976 ambayo takribani kwa miaka 20 imekuwa ikipigiwa kelele kutokana na kumpa mtu mmoja (waziri) mamlaka ya kuamua suala kubwa la kuwanyima watu haki ya kupata habari.

       Meena amesema mfumo wa aina hiyo ni kichaka ambacho serikali imekuwa ikitumia kufanya kile ambacho kimeandikwa katika taarifa ya waziri kwamba Wahariri wa MAWIO walionywa mara kadhaa. Walionywa na nani? Wapi? Na kwa sababu zipi?.

    Katibu huyo amesema, mwenendo wa aina hii wa kufuta magazeti siyo tu kwamba anaathiri dhana nzima ya utawala bora, bali inaliweka Taifa katika hatari ya kutumbukia katika uovu, hasa pale wenye dhamana watakapofanya wapendavyo kwa kuwa tu vyombo vya habari vitakuwa vimezibwa midomo.

       Mwenyekiti wa TEF, Absalom Kibanda amewaambiwa waandishi wa habari kuwa, kitendo kilichofanywa na serikali ni kutia uoga wahariri na waandishi ili wasiandike habari za ukweli kuihusu serikali na kwamba, hakikubaliki.

     “Tumepigwa tena serikali ya awamu ya tatu ilitupiga, ya nne ikatupiga na hii ya tano inatipiga tena na inalengo la kuiuwa tasnia ya habari. Na serikali inazidi kujipaka matope mbele ya wananchi,” amesema Kibanda.

      Aidha, ameeleza masikitiko yake juu ya Waziri Nnauye kwa kuchukua hatua hiyo muda mfupi baada ya kukutana na wahariri ambapo katika kikao hicho alichofanya na wahariri alionesha kushirikiana nao.

        “Bado tunachukua hatua za kungea na wamiliki wa MAWIO pamoja na wahariri ili kutafakari na kuchukua hatua zaidi ambapo tutatoa tamko letu,” amesema.

     Habari hii kwahisani ya mwanahalisi olini