WAISLAM NCHINI WANYOSHEWA KIDOLE ,NI KUHUSU VURUGU,SHEKH JALALA AENDELEA KUWAHASA,SOMA HAPO KUJUA

Pichani ni mwenyeki wa Taasisi ya Kislam  ya imamu Bukhari Foundation. shekh Khalifa Khamisi akizungumza na waandishi wa habari leo jijini hapa akiwaeleza umuhimu wa semina iliyoandaliwa na Taasisi hiyo kwa waumini wa dini hiyo

 

WAISLAM nchini wamehaswa kutunza amani ya nchi kwa kuendelea kufanya mambo mema na kuacha kufanya mambo ya kuchochea vurugu katika jamii.Aaandika KAROLI VINSENT endelea nayo.

Wito huo umetolewa leo jijini Dar es Salaam, na mwenyeki wa Taasisi ya Kislam  ya imamu Bukhari Foundation. shekh Khalifa Khamisi wakati wa semina iliyowakutanisha waumini wa dini hiyo jijini hapa,yenye lengo la kujadili  Changomoto zinazowakabili waislam nchini na Duniani kwa ujumla.

Ambapo Shekh Khamis amesema kwa sasa waislam wamekuwa wanafanya mambo ya kumkera mwenyezi mungu kwa kuwafanyia wenzao mambo ya maovu jambo analodai aliendani na mafundisho ya Dini hiyo.

Waumini mbalimbali wa dini ya Kiislam kutoka maeneo tofauti wakisikiliza mafunzo kutoka kwenye semina hiyo.

 

Amesema katika mafundisho ya dini hiyo,yanawafundisha waislam kuwa na upendo kwa jamii,kusaidiana pamoja na kuelekezana na kufanya mambo ya maendeleo.

Amefafanua kuwa kwa sasa watu wengi wamekuwa wakihusiha  masuala ya ugaidi  yanayotokea  Duniani na Dini hiyo,jambo analipinga kwa kusema watu wanaofanya vitendo hivyo sio waislam safi kwani dini hiyo afungamani na mambo ya Ugaidi.

Hata Hivyo Shekh Khamis amesema kwa sasa  nchini kumekuwa na mgawanyiko kati ya Waumini wa dini ya Kiislam na Serikali ambapo amedai sababu hiyo imetokana na hatua ya serikali kuwakamata viongozi wa dini hiyo.

“Katika semina hii tumekutana na waumini wa dini hii,ili kurudusha upendo katika jamii ya waislam nchini na serikali,maana baadhi ya waislam waliiwekea chuki serikali na leo tumetumia nafasi hiyo kuwataka waislam nchini kuondoa na hali hii na kuichia vyombo vya mahakama ndio vitatenda haki”amesema Shekh Khamis.

pichani ni Shekh Hemed Jalala akiongea na wanahabari 

 

Kwa upande wake Shekh Hemed Jalala ambaye naye alikuwa mchangia mada katika semena hiyo,amehasa pia Waislam kuendeleza kufanya mambo mema yatakayomfurahisha Mtume Muhamed kwa kusema ndio njia pekee ya kuendana na dini hiyo.