BARAZA LA MITIHANI LATANGAZA MATOKEO YA DARASA LA NNE,SOMA HAPO KUJUA

BARAZA la Mitihani nchini (NECTA) limetangaza matokeo ya darasa la nne huku wanafunzi 977,888 wamefaulu na kuendelea darasa la tano na pia wanafunzi 108829 wamepata daraja la E ambao ufahulu wao ni hafifu na kutakiwa kakalili darasa la nne tena.Anaandika KAROLI VINSENT endelea nayo.

     Akitangaza matokeo hayo leo jijini Dar es Salaam wakati wa mkutano na waandishi wa habari,Katibu mtendaji mkuu wa (NECTA),Dkt Charles Msonde amesema jumla ya wanafunzi 1,037,305 waliosajiliwa kufanya upimaji wa mtihani wa darasa la nne mwaka 2015  wakiwemo wasichana 535,273 sawa na asilimia 51.60 na wavulana 502,032 sawa na asilimia 48.40,

Dkt ,Msonde amesema wanafunzi 977,886 sawa  na asilimia 94.27 ndio waliofanya mtihani huo,ambapo wanasichana walikuwa 510,221 sawa na asilimia 93.16 na wavulana walikuwa 467,675 sawa na asilimia 93.16 huku wasiofanya walikuwa ni 59,416,

Dkt,Msonde amezitaja changanuo za mtokeo hayo,ambapo amesema  inaonyesha kuwa jumla ya wanafunzi  977,886 wamefanya vema kwa kupata alama za A,B,C,D,na wanafunzi 108,829 sawa na asilimia 11.3wamepata alama za daraja la E lenye ufahulu usioridhisha,

  Hata hivyo,Dkt Msonde amesema katika matokeo hayo wanafunzi wamefanya vema katika masomo ya sayansi ambapo ufaulu wake umekuwa ni asilimia 89.44 na somo waliofaulu kwa kiwango cha chini zaidi ni somo la English Language lenye ufaulu wa asilimia 65.67.

Vilevile Dkt Msonde amezitaja shule kumi bora zilizofanya vizuri katika mtihani huo ni  Alliance mwanza,waja springs Geita,St Peter mkoani Kagera,Tumaini mkoani Mwanza,Furaha Mkoani Mwanza,Acacia Land mkoani Tabora,Tusiime mkoani Dar es Salaam,Imani mkoani Kilimanjaro,Kaizerege mkoani Kagera na Ebenezer mkoani Kilimanjaro.

Pamoja na hayo,Dkt Msonde pia aliwataja  wanafunzi kumi bora  kitaifa waliongoza mtihani ambao ni Frank Mgeta kutoka shule ya Twibhoki mkoani Mara,Salim Rashid kutoka shule ya Hazina mkoani Dar es Salaam,Musa Christian kutoka shule ya Alliance mkoani Mwanza ,Ezekiel Gilu kutoka shule ya Waja Springs mkoani Geita,

Wengine ni Martha Nkwimba kutoka shule ya Tusiime mkoani Dar es Salaam, Lameck Nsulwa kutoka shule ya Rocken Hill mkoani Shinyanga,Rajabu Mhoja kutoka shule Rocken Hill mkoani Shinyanga,Charles Luhumbika kutoka shule ya Kwema mkoani Shinyanga,Mathias Amos kutoka shule ya Alliance kutoka mkoani Mwanza pamoja na Idd Masudi kutoka shuke ya Alliance mkoani Mwanza.