MSAKA URAIS WAZIRI MEMBE,AZIDI KUWAPUUZA VIONGOZI WA JUU WA CCM,SASA AZIDISHA HARAKATI ZAKE ZA KUTAKA URAIS

 

Pichani  Bernard Membe ambaye ni Waziri wa Mambo ya Nje na Ushirikiano wa Kimataifa (picha ya Maktaba)

 Na Karoli Vinsent

WASAKA urais ndani ya chama cha Mapinduzi CCM waanza kukipasua chama hicho,kutokana na Hivi sasa chama hicho kuanza kumwogopa Waziri Bernardi Membe,mtandao huu umedokezwa.

       Mhe. Bernard K. Membe ambaye ni Waziri wa Mambo ya Nje na Ushirikiano wa Kimataifa, ameonekana kuwa na nguvu ndani ya chama hicho kutokana na kitendo chake kuendelea kufanya Kampeni za chinichini katika mbio za kusaka urais mwakani 2015, ambapo amekuwa amevunja kanuni za chama hicho.

          Mapema mwezi februari,mwaka huu Kamati maalum ya maadili ya chama cha mapinduzi CCM ,ambayo iliwahoji vigogo sita wa chama hicho tawala ambao walikuwa wanaonekana maeneo mbalimbali wakiendeleza harakati za kumrithi Jakaya Kikwete ambae anatarajiwa kuondoka mwakani 2015.

        Lakini kamati hiyo ya maadili ya chama iliwafungia kwa mda wa mwaka mmoja makada sita wa chama hicho kutofanya harakati zozote za kusaka urais ndani ya chama hicho makada hao ni Waziri aliyejiuzulu Edward Lowassa,Waziri wa mambo ya Nje na ushirikiano wa Kimataifa Berdanard Membe,waziri Mkuu wa awamu ya tatu Fredrick sumaye.

          Mbali na hao wengine ni Waziri wa ushirikiano wa Africa mashariki Samweli Sitta,Mbunge wa Sengerema  Wiliam Ngeleja,waziri Stephen Wasira pamoja na Naibu waziri wa mawasiliano,sayansi na Tekolojia January Makamba.

         Licha ya Kamati ya chama hicho kuwafungia makada hao kwa miezi 12,lakini Waziri Membe,ameonyesha kupuuza maamuzi ya chama hicho kutokana na kuanza harakati za kusaka urais huku viongozi wa chama hicho,akiwemo mwenyekiti Rais Jakaya Kikwete kulinyamazia Suala hilo.Membe amekuwa akipambana kwa hari na mali kuhakikisha anakamata nafasi hiyo ya juu ya uongozi wa Taifa hili.

         Waziri Membe alianza kuonyesha kupuuza kauli hiyo Wiki iliyopita alipokuwa anazindua Filamu ya Love of Mwanza ambapo alitumia nafasi hiyo kujitangaza Kisiasa,huku akitumia Kifua cha Rais Jakaya Kikwete kupuuza Adhabu ya Kamati maadili ya chama cha mapinduzi,ambayo walimzuia kufanya hivyo.

       Membe alionekana kulitumia Jina la Jakaya Kikwete kama njia ya kuwaogopesha Wasaka Urais wenzake ambao wamekuwa wakiwakimya kwa sasa,ambapo alisema alichokifanya hapo kimetokana na kupewa Baraka na Rais jakaya Kiwete ambaye ni mwenyekiti wa chama cha mapinduzi CCM aliyekuwa Juu wajumbe waliotua hukumu hiyo.

      “Nilikutana na Rais Kikwete Juzi kumuaga na kumueleza ujio wangu Jijini Mwanza kuwa nimeitwa na wasanii wa Filamu naye alikubalia na kunitaka nifanya haraka na nisiache baada ya kurudi Jijini Dar esSalaam nikampatie taarifa za kile nilichokishuhudia Jijini Mwanza,hivyo nimekuja na Marafiki zangu ambao ni Frends of Membe”alisema Membe.

          Achia mbali uzinduzi huo wa Filamu mkoani mwanza,Waziri membe akafanya harakati zengine ambazo zinatafsiriwa kama ni Harakati za kusaka urais baada ya kuandaa Semina ya Siku saba kwa Umoja wa Vijana wa Chama cha Mapinduzi UVCCM, iliyofanyika ukumbi wa Msasani Club,Jijini Dar es Salaam,ambapo katika semina ambayo iliandaliwa na Kufadhiliwa na Waziri Membe.

        Katika Semina hiyo ilivaa koti la nje kwamba ilikuwa inawapa vijana wa CCM uwezo wa kuwajengea ili waweze kupambana Na Umoja wa Katiba yaWananchi UKAWA,lakini mambo yalikuwa sivyo kutokana na Semina hiyo ilionekana kama njia ya Waziri Membe kujinadi katika kusaka urais.

Kwa mujibu wa vyanzo vya kuaminika zinasema Waziri Membe alitoa zaidi ya Milioni 200,ili kugalimu Semina hiyo,katika kufanikisha ambapo wajumbe walipata Posho pamoja na chukula,

      Kufanya usaliti huu kwa Waziri Membe,inatafsiliwa kama ni kuingia mpasuko ndani chama hicho Kikongwe barani Afrika ambacho kipo madarakani,kutokana na Maamuzi waliyofikia ya kuwafungia makada hao.

         Akilizungumzia hili,Mjumbe wa Halmashauri kuu ya chama cha Mapinduzi CCM, kutoka mikoa ya  kusini,ambaye hakutaka jina lake litajwe kwenye Mtandao huu,alisema ni wazi chama hicho kinamwogopa Waziri Membe.

        ”Mimi mwenyewe nashangaa sana  huyu Msaka urais waziri membe anavyoogopwa namna hii ndani ya chama chetu,kwani ukweli huko wazi huyu anatumia ukaribu wake alikuwa nao kwa Rais kikwete,ndio unamfanya kuzidisha kufanya harakati za kusaka urais,lakini kwanini wasimpe adhabu kari huyu msaka urais”

        “Kama wanaona wameshindwa kuwazuia ni bora waache waendelee na harakati zao tu maana wengine tunawatu wetu tunataka tuwasapoti tu na waruhusu tushindane tu”alisema mpashaji huyo wa Taarifa.

        Kuonyesha huku jeuri kwa Waziri Membe, kumekuja ikiwa Miezi miene kupita baada  kamati ya Maadili ya chama hicho kuwafungia makada hao.

        Ambapo chama hicho kilifuata kanuni ambapo ibara 6 (2) (1_5) ya maadili ya Viongozi wa Chama hicho inawazuia kutoa mchango,misaada zawadi za aina yeyote,kukusanya michango na kufanya kampeni bila ya kupata kibali kutoka kamati ya Siasa ya Halmashauri ya eneo husika.