serikali kula kuku na mayai yake

SERIKALI Kuu na taasisi zake zimebainika kuwa chanzo cha kufirisika kwa

Kampuni ya Simu ya Tanzania (TTCL),  kiasi cha kuwa taabani kifedha

kutoka tabia za taasisi nyeti za serikali zikiongoza kuwa wadaiwa sugu

wa madeni.Hatua hiyo inaifanya serikali ya Rais Kikwete kuwa sawa na

mfugaji wa Kuku anaye kula Kuku pamoja na mayai yake wakati bado ana

hamu ya kuendelea kufuga.

Akizungumza katika kikao kilichoukutanisha uongozi wa TTCL na Wizara ya

Mawasiliano, Mwenyekiti wa Kamati ya Miundo Mbinu ya Bunge, Peter

Serukamba aliitaka Serikali kuziwezesha taasisi zinazodaiwa kulipa

madeni yao kufikia Desemba mwaka huu. Katika kikao hicho

kilichohudhuriwa na Naibu Katibu Mkuu wa Wizara ya Mawasiliano, Sayansi

na Teknolojia, John Mngondo na Wajumbe wa Bodi ya TTCL, wakiongozwa na

Mwenyekiti, Edwina Lupembe na Ofisa Mtendaji Mkuu Kamugisha Kazaura.

Rais Kikwete akimlisha,Mkewe Mama Salma Kikwete,keki katika moja ya siku

za kuzaliwa kwake, Ikulu jijini Dar es Salaam

“Kamati inapendekeza mkusanye madeni hadi Desemba tujue mmefikia wapi na

deni hili la bilioni 10. Ni fedha ambazo zingeweza kuwasaidia

kujiendeleza japo kwa kujikongoja, mbaya zaidi ni kwamba taasisi hizi za

Serikali hazioni umuhimu wa kuilipa TTCL kwa sababu nao ni mali ya

serikali,” alisema Serukamba. Alizitaja taasisi hizo na madeni yao

kwenye mabano kuwa ni Ofisi ya Rais (180.2 milioni) deni la miezi 21,

Wizara ya Tawala za Mikoa na Serikali za Mitaa ( Sh 775.9 milioni) deni

la miezi sita, Jeshi la Polisi (773,154,278) deni la miezi 15, Jeshi la

Wananchi la Tanzania (2.1 bilioni) ikiwa ni gharama ya huduma mbalimbali

zinazotolewa na kampuni hiyo.

Taasisi nyingine ni Jeshi la Polisi (Sh1.28 bilioni) miezi 32 kwa huduma

za takwimu na simu, wakati Sh360 milioni kwa huduma za kukodisha vifaa,

wakati Wizara ya Ulinzi na Jeshi la Kujenga Taifa (JKT) inadaiwa Sh50

milioni baada ya kupata huduma kwa miaka sita. Kamati hiyo pia imeitaka

Serikali ifanye mchakato wa kuitoa TTCL kwenye ubia na Airtel ili

kuidhamini kwenye taasisi za kifedha ili iweze kukopesheka .