OSWAMS YAFANIKIWA KUWAONYESHA WATAALAMU WA MAZINGIRA TEKNOLOJIA ITAKAYOMALIZA KERO YA MAJI TAKA DAR ES SALAAM.

Mkurugenzi wa Ufundi wa Kampuni ya Wastewater solution Juma Nassor (Katikati) akifafanua jambo kwa wataalamu wa afya waliotembelea miradi ya OSWAMS kujionea jinsi inavyofanya kazi. Juma Nassor amesema teknolojia yao ni muarobaini wa tatizo la maji taka iwe majumbani, hospitalini, katika zahanati zetu na hata mtu mmoja mmoja.

Wataalamu wakitembelea moja ya Kota za maofisa wa polisi iliyopo Mikocheni kujionea jinsi mifumo ya majitaka iliyowekwa na OSWAMS inavyomaliza tatizo la kuzagaa kwa maji hayo mitaani. Maofisa wa afya toka wilaya zote za Jiji la Daresalaam waliweza kufika na kujionea utendaji kazi wa Kampuni hiyo

Moja ya majengo yaliyohudumiwa...

Mkurugenzi wa Ufundi Juma Nassor akizungumza na waandishi wa habari mara baada ya kumaliza ziara hiyo Jijini Daresalaam.

Mkurugenzi wa ufundi akionyesha maji taka yaliyobadilishwa  kuwa masafi, Teknolojia ya SWAMS inauwezo wa kubadilisha maji taka na kuyatumia kwa matumizi mengine ikiwamo kumwagilia migomba, mipapai na hata mbogamboga.

 

NA MAGALI

Kwa muda mrefu maji taka kwa Jiji la Daresalaam limekuwa ni tatizo  sugu, wakati wa mvua nyingi wakazi wa Jiji hilo wamekuwa na tabia ya kufungulia chemba zao na kutiririsha maji taka mitaani jambo ambalo limesababisha kutokea kwa magonjwa mengi ya milipuko hususani magonjwa kama ya Kipindupindu.

Kiini kikubwa cha tatizo kinatajwa kuwa ni watu kukosa njia m’badala ya kutoa maji yao na kuona njia sahihi ya kutatua changamoto yao ni kutiririsha maji machafu barabarani, jambo hilo limesababisha mifereji mingi kujaa vinyesi hata kwa mvua ya muda mfupi.

Mapema hii leo Kampuni ya On site water management Solution (OSWAMS), walifanya ziara ya kutambulisha miradi mbalimbali kwa wataalamu wa mazingira kutoka wilaya zote za Jiji la Daresalaam, dhamira ikiwa ni kuonyesha walivyofanya kazi ya kutatua kero ya maji taka kwa baadhi ya watu waliokubali teknolojia yao.

Katika ziara hiyo ambayo wataalamu walipitishwa, walifanikiwa kuona Teknolojia ya OSWAMS inavyofanya kazi, ikiwamo ushuhuda wa watumiaji ambao wamekiri kuwa toka kuanza kwa matumizi ya teknolojia ya OSWAMS wamesahau kabisa suala la kuleta magari ya kunyonya vinyesi katika maeneo yao licha ya matumizi ya vyoo vyao kuwa makubwa.

Akizungumza na waandishi wa habari katika ziara hiyo, Mkurugenzi wa Kampuni ya OSWAMS amesema Kampuni yake imeliona tatizo la Jiji la Daresalaam na kuamua kuja na suluhisho la tatizo hilo, na kwamba wanaamini Daresalaam itakuwa safi kama watu watatoa nafasi ya kuitumia teknolojia yao ambayo amekiri kuwa gharama zake ni nafuu ukilinganisha na gharama za kukodi magari ya kunyonya.

WANUFAIKA WAKIRI UBORA WA TEKNOLOJIA YA OSWAMS

Akizungumza na mwandishi wa habari hizi Mwalimu wa mazingira wa shule ya nasari na Msingi ya Liberman ya Mikocheni Jijini Daresalaam Bi. Brenda Magai amesema Teknolojia ya OSWAMS imewasaidia kwa kiasi kikubwa kupunguza gharama za uendeshaji wa mazingira ya shule kwani hapo awali walikuwa wanaingia gharama kubwa kuhudumia maji taka.

Bi. Magai amesema awali walikuwa wanatumia gharama kubwa kwa mwezi kwani ilikuwa inawalazimu kukodi magari na kunyonya maji hayo mara tatu kwa mwezi jambo ambalo limekuwa likiwaghalimu mno ukilinganisha na hali ilivyo sasa ambapo toka wameweka teknolojia hiyo mwaka 2015 mpaka leo hii hawajaweza kuita gari lolote kunyonya maji taka shuleni hapo.

“Kama mnavyoona hapa shuleni kwetu tuna Zaidi ya watoto 3000 wote hao wanategemea wanahudumiwa na teknolojia iliyowekwa na watu hawa… kwa kweli wametusaidia sana kwani hata harufu kali ilikuwa inawasumbua watoto wetu kwa sasa haipo tena” Alisema Magai.

Aidha kwa upande wake, Mhandisi wa mradi wa kota zamaafisa wa polisi Mikocheni Eng. Abdul Samatta amekiri kuwa teknolojia ya OSWAMS ni suluhisho la tatizo la maji taka mradi wao kwani hapo awali ilikuwa ni viigumu kupmbana na changamoto ya maji taka katika eneo hilo.

“Wakati tunaanza mradi huu tulikuwa na changamoto moja ya maji taka…kama mnavyoona nyumba za majirani wengi vyoo vyao wamevijenga kwa kutegesha…mvua kidogo wanatirisha maji yao mitaani… sasa sisi kama serikali hatuwezi kufanya hivyo…

Hivyo tuliamuakuja na wazo la  kuchimba chemba kubwa lakini wazo hilo tulilifuta baada ya kuona kuwa eneo hilo lina maji mengi na kuchimba shimo isingekuwa msaada…tukaja na wazo la kujenga pipe ya kupeleka uchafu baharini…lakini nalo likaonekana halifai sababu ni gharama kubwa lakini pia linahitaji matengenezo ya kila mara…tutakaumiza vichwa sana juu ya suala la maji taka na hatimaye tukawapata OSWAMS ambao walipotuleza kuhusu teknolojia yao hatukusita kuitumia.

Kwa kweli ni teknolojia ambayo ni rafiki na inayopunguza gharama za uendeshaji” Alimaliza Samatta.

Aidha kwa upande wao, wataalamu waliotembelea miradi hiyo wameonekana kufurahishwa na ufanyaji kazi wa teknolojia ya Kampuni hiyo, na kuahidi kutoa maelekezo mara baada ya kufika ofisini.