WANAHARAKATI WAMETAKIWA KUVITUMIA VIZURI VYOMBO VYA HABARI ILI KUTOKOMEZA UKATILI WA KIJINSIA

Wanaharakati wametakiwa kutumia vizuri teknolojia ya habari na mawasiliano(TEHAMA) katika kuleta ukombozi na kupinga vitendo ukatili wa kijinsia.

Afisa habari wa TGNP Mtandao Bi. Monica John akitoa ufafanuzi wa jambo fulani katika semina ilifanyika mapema jana TGNP Mtandao.

Hayo yamesemwa jana na afisa  habari wa mtandao wa jinsia nchini TGNP Bi. Monica John alipokuwa akiendesha semina ya wanaharakati wa jinsia na maendeleo GDSS, yenye lengo la kujadili changamoto mbalimbali zinazotokea wakati wa kuripoti/ kuufahamisha uma habari za ukatili wa kijinsia.

Kupitia semina hiyo imeonekana kuwa watu wengi hawatumii mtandao kama sehemu ya kupashana habari na matokeo yake inakuwa ni sehemu ya kuwadhalilisha na kuwafedhehesha wanawake, kwani kuna wanaume wengi wakiachana na wanawake zao uweka picha za utupu za wapenzi wao mtandaoni na picha hizo usambaa mpaka ufikia wanawake hao kudhalilika katika jamii na wengine ufikia hatua ya kujiua ili kuondokana na aibu hiyo.

Afisa habari wa TGNP Mtandao Bi. Monica John akiandika baadhi ya mapendekezo ya wanaharakati wa semina za jinsia na maendeleo  GDSS.

Lakini pia tatizo lingine ni kwamba vyombo vingi vipo kwa ajili ya maslahi hivyo wamiliki wanahitaji kuona story zinazouza kama ni kwenye magazeti au kuangaliwa sana kwa upande wa television na haswa zile stori pendwa za watu mashuhuli kama Diamond, Tundu Lissu, mgogoro wa CUF nk. Ndizo wamiliki wanahitaji kuziona kwenye vyombo vyao na sio kuangalia vitendo vya unyanyasaji wa kijinsia na vitendo vingine vinavyomyima haki mwanamke na mtoto.

Bi. Subira Kibiga akitoa maoni yake katika semina za jinsia na maendeleo GDSS jana makao makuu ya mtandao wa jinsia TGNP,

Aidha ilionekena kuwa sehemu za vijijini ni miongoni mwa maeneo ambayo wanawake hukosa nafasi ya kuzijua fursa na kupata habari kwani njia za kupata habari kwa maeneo hayo ni simu na radio, wakati kwa upande wa simu mtandao unakuwa unasumbua hivyo inalazimika kupanda juu ya mti au mlima ili kuwasiliana na kwa upande wa radio inakuwa shida kutokana kwamba nyenzo hiyo uwa anakuwa nayo baba muda wote akinda shambani au akienda kwenye pombe anatembea nayo hivyo kwa mama aliye nyumbani anashindwa kufahamu mambo mengi yanayoendelea duniani.

Na jambo lingine ni kwa upande wa wanawake ambao wamepata fursa ya kupaza sauti au  kupata vipindi kwenye radio hawavitumii vizuri katika kuwaelimisha wanawake wenzao namna ya kuzipata fursa na matokeo yake hutumia kuwasanifu na kuwaongelea vibaya wanawake hao, na waliowengi wenye muda kuanzia saa 3 asubuhi mpaka saa 7 mchana mfano wa vipindi kama Leo Tena cha Gea Habibu na Dina Marios wakina Bibi Hindu na Lady Hanifa wa Radio One nk.

Bw. Innocent Siliyo akichangia mada katika semina za GDSS mapema jana makao makuu ya mtandao wa jinsia TGNP Mabibo Dar es salaam.

Baada ya majadiliano yote waliazimia mambo kadhaa kupitia semina hiyo kuu likiwa wanawake kwa pamoja kuunda chombo chao cha habari ili kuweza kupaza sauti zao, kwani tatizo limeshaeleweka kuwa vyombo vingi vilivyopo vinaangalia biashara na siyo ukombozi wa wanawake na watoto ili kuleta usawa wa kijinsia.

Na azimio la pili ni serikali kuweka sharia nzuri zinazowalinda wanawake mitandaoni kwani inaonekana mwanamke kudhalilishwa mtandaoni ni jambo la kwawida au pengine yeye mwenyewe anapenda hali hiyo, lakini pia watumiaji wa mitandao wametakiwa kukemea hali hiyo endapo wanaiyona kwa mwanamke kusambaziwa picha zake akiwa hana nguo kitu ambacho sio kizuri kwa jamii yetu na kuacha kuendelea kusambaza kwa wengine.

Baadhi ya washiriki wa semina za jinsia na maendeleo wakifuatilia kwa umakini mada iliyoongozwa na Monica John ambae ni Afisa habari wa TGNP Mtandao.

Kwa waandishi pamoja na wahariri kupenda kuripoti habari za ukatili wa kijinsia kwani wananchi wanahitaji kufahamu mambo mengi kuhusiana na vitendo hivyo, na kujua endapo watafanyiwa wanatakiwa kuchukua hatua zipi ili waweze kushinda swala la ukatili wa kijinsia.