CHADEMA NA CHAMA CHA ACT-WAZALENDO NAO WAWALILIA WANAFUNZI 32 NA WALIMU WALIOKUFA KWENYE AJALI MBAYA,SOMA HAPO KUJUA

Chama cha Demokrasia na Maendeleo (CHADEMA) kupitia Mkurugenzi wa Itikadi, Mawasiliano na Mambo ya Nje, John Mrema wametuma salamu za rambirambi kufuatia kutokea kwa ajali mbaya iliyotokea leo na kusababisha vifo vya watu 32.

Katika salamu zao cha CHADEMA wamesema wamepokea taarifa hizo kwa masikitiko makubwa kwani taifa limepoteza watu muhimu ambao wangelitumikia taifa katika siku zijazo.

"Tumepokea kwa masikitiko makubwa taarifa za ajali mbaya Iliyotokea Leo tarehe 6 Mei,2017 Mkoani Arusha, Wilaya ya Karatu na kusababisha vifo vya wanafunzi 33 (watoto wa kike 16 na watoto wa kiume 17) waliokuwa wanafunzi wa Shule ya Lucky Vicent ya Mkoani Arusha.....Hakika taifa limepoteza watoto wake na vijana wa Kesho ambao wangelitumikia taifa letu siku zijazo". Alisema Mrema

Aidha, chama cha CHADEMA pia wametoa pole kwa familia ya wafiwa, uongozi wa shule ya Lucky Vicent pamoja na wananchi kwa ujumla.

 

"Kwa majonzi makubwa tunatoa salamu za pole kwa wazazi, wanafunzi wa Shule ya Lucky Vicent,  uongozi wa Shule hiyo pamoja na wananchi wote wa Tanzania kwa msiba huu mkubwa na wenye kutia simanzi na huzuni kubwa...CHADEMA tutakuwa pamoja na familia za Marehemu katika kipindi hiki kigumu cha maombolezo , tunawataka wanachama na watanzania wote bila kujali imani zetu tuwakumbuke wafiwa katika Sala /Dua ili Mwenyezi Mungu awatie ujasiri wafiwa katika kipindi hiki kigumu". Alisema Mrema

Pamoja na hayo, CHADEMA wamelitaka jeshi la polisi kufanya uchunguzi wa kina juu ya chanzo cha ajali hiyo mbaya ili matokeo ya uchunguzi huo yatumike katika kuzuia ajali nyingine  isije kutokea katika siku zijazo.

BAADA YA CHAMA CHA DEMOKRASIA KUWALILIA WALIOPATA AJALI HIYO,NACHOM CHAMA CHA ACT-WAZALENDO NAO WATOA YA MOYONI 

Picha: Wajumbe wa Kamati ya Chama cha ACT Wazalendo, wakiwa wamesimama kuomboleza na kuwakumbuka wote waliopoteza maisha katika Ajali hii.

Mbunge wa Kigoma mjini kwa tiketi ya ACT Wazalendo Zitto Kabwe na Chama Chake cha ACT Wazalendo wametuma salamu za rambirambi kufuatia kutokea kwa ajali mbaya ya basi dogo ambalo limepelekea vifo vya wanafunzi 29, walimu 2 na dereva mmoja wa gari hiyo.

Zitto Kabwe katika salamu zake za rambirambi anasema kuwa huu ni msiba mkubwa kwa taifa.

"Moyo wangu umesinyaa baada ya kusikia Taarifa za ajali ya watoto wetu huko Karatu. Natoa salaam zangu za rambirambi kwa Wazazi wa wanafunzi wa shule ya St. Lucky na Kwa ndugu na familia za walimu na wafanyakazi wa shule waliopoteza maisha. Huu ni msiba mkubwa sana. Huzuni haielezeki. Nawaombea Kwa Mola awape wazazi na ndugu wote moyo wa subira katika mtihani huu. Ni msiba wa Taifa zima" alisema Zitto Kabwe

Katika taarifa ya Chama Cha ACT Wazalendo pia imetoa pole kwa wanafamilia, walimu

"Chama cha ACT Wazalendo kimepokea kwa majonzi na simanzi kubwa taarifa ya vifo vya wanafunzi, walimu pamoja na wafanyakazi wa Shule ya awali na msingi ya Lucky Vicent ya Jijini Arusha, vifo vilivyotokana na ajali ya basi iliyotokea katika wilaya ya Karatu mkoani Arusha. ACT Wazalendo tunatoa pole kwa wazazi waliopoteza watoto wao, ndugu na jamaa waliopoteza walimu na wafanyakazi wa shule hiyo, pamoja na watanzania wote kwa ujumla. Pia tunawaombea majeruhi wote wa ajali hii wapate kupona kwa haraka" alisema Abdallah Khamis Afisa Habari wa ACT Wazalendo