WATANZANIA TUMUUNGE MKONO MWL. NYERERE KWA KUPINGA DHULMA DHIDI YA WAPALESTINA.

Kiongozi Mkuu wa Waislamu Dhehebu la Shia ithnasheriya Sheikh Jalala akifafanua jambo kwa waandishi wa habari kuhusu maadhimisho ya siku ya Quds.

NICE MUSHI akiwaeleza waandishi wa habari alichoshuhudia huko Palestina, Munishi amesema amesema wakazi wa taifa hilo hawana Amani kabisa kwa sababu wa wanavamiwa na kuondolewa katika makazi yao ya kawaida.

Tukiwa tunaelekea katika maadhimisho ya siku ya Quds hapo kesho,Kiongozi Mkuu wa Waislamu Dhehebu la Shia ithnasheriya amewataka watanzania kumuunga mkono baba wa Taifa hili Mwl. Jurius Kambarage Nyerere kwa kushiriki matembezi ya Quds yanayotarajiwa kuanza hapo kesho.

Sheikh Jalala amesema moja ya sababu kubwa ya kuunga mkono zoezi hilo ni kutokana na ukweli kuwa toka miaka ya 60, Mwl Nyerere alikuwa anatambua taifa la Palestina na kuwapa ubalozi hapa nchini.

Amesema, Mwl. Nyerere hakupenda vitendo vya kibaguzi, dhulma na uonevu wa hali ya juu waliokuwa wakifanyiwa Wapalestina na kwamba aliamini kuwa wenye Taifa la Palestina ni waarabu Waislamu na wasiokuwa Waislamu.

Amebainisha baadhi ya madhira wanayofanyiwa wapalestina ni pamoja na kupokonywa makazi yao,wajawazito kujifungua wakiwa vizuizini jambo ambalo linapaswa kupingwa vikali na mataifa mbalimbali ikiwamo Tanzania.

“Ijumaa tutakuwa na zoezi la matembezi kutoka Ilala boma hadi kigogo, tunawaomba watanzania watuunge mkono kupinga dhulma wanazofanyiwa wananchi wa Palestina. Hivi sasa hali ni mbaya nyumba Zaidi ya elfu 48 zimeshabomolewa toka mwaka 1967, kuna wajane ambao hawana makazi, mayatima na vikongwe wapo katika wakati mgumu sana” Alisema Sheikh Jalala.

Quids ni siku ya Wapalestina na ukombozi wa mwanadamu Duniani kutoka katika uonevu, ukandamizaji na unyanyasaji wa mwanadamu. Malengo yake makuu ni kuhamasisha amani katika nchi hiyo na kuwasaidia wapalestina wapate ukombozi.