SIMBA CHAWENE AWATAKA WAWEKEZAJI ,WANANCHI KUSHIRIKIANA KUIMARISHA SEKTA YA MADINI

Waziri wa Nchi ofisi ya Rais Tawala za Mikoa na Serikali za Mitaa (TAMISEMI) Mhe. George Simbachawene (MP) ametoa wito kwa wawekezaji katika sekta ya madini na wanajamii kufanya kazi kwa ushirikiano ili kukuza amani, utulivu na kuleta maendeleo ya kijamii.

Waziri aliyasema hayo katika mkutano maalum uliandaliwa na Taasisi ya Uongozi (UONGOZI INSTITUTE) huku akiwakumbusha kufuata taratibu za leseni za kijamii (SLO) kwani kufanya hivyo kutasaidia kuimarisha makazi ya wanavijiji na kuinua mahusiano mema na Makampuni.

Waziri wa Nchi ofisi ya Rais Tawala za Mikoa na Serikali za Mitaa (TAMISEMI) Mhe. George Simbachawene (MP) akifungua rasmi mkutano wa Kikanda kuhusu leseni za Kijamii wenye lengo la kuangazia uwekano wa kupunguza migogoro kati ya wawekezaji na wananchi wanaozunguka mgodi. Katika mkutano huo Sim,bachawene amewataka jamii na wawekezaji kufanya kazi pamoja ili kuweka uwazi na kuondoa sintofahamu.

 Amesema LENGO la leseni ya uchimbaji wa madini(Social licensce operation) ni kuona wananchi wanashiriki katika kupitisha uamuzi wa Kampuni kuchimba madini na hivyo kuongeza uwazi juu ya manufaa ambayo wanaweza kuyapata.

"Migogoro ya kijamii inaweza kusababisha madhara mbalimbali ikiwamo kuharibika kwa taswira ya Kampuni husika, kupoteza fedha, kutokana na sababu hizo ndio maana Makampuni yanashauriwa kuwa karibu na wananchi hususani katika eneo wanalochimba madini ili wakae chini waelewani ni kwa jinsi gani wanaweza kufaidika na madini yanayochimbwa”. Alisema Simba Chawene

Waziri Chawene amesema sehemu muhimu ya mahusiano ni wananchi kutatuliwa kero zao ikiwamo fidia zao kutokana na maeneo yao kuchukuliwa, uwezekano wa kupata ajira na kuweka wazi mipango yote juu ya wananchi wanaouzunguka mgodi huo  kufaidika 

Mtaalamu wa kimataifa kuhusu leseni za Kijamii za uendeshaji Dkt Ian Thomas akizungumza katika mkutano huo. Mkutano huo uliandaliwa na Taasisi ya Uongozi

Naye Kaimu Afisa Mtendaji Mkuu wa UONGOZI Institute, Mheshimiwa Dennis Rweyemamu, amesema wameamua kuandaa mkutano huo ili kuweza kubaini changamoto na kurejesha  mahusiano mazuri kati ya Jamii na makampuni yanayowekeza mabilioni ya shilingi

Amesema Makampuni katika nchi nyingi, hasa katika nchi zinazoendelea, huwa wanawekeza mamilioni ya dola katika kuisaidia jamii y, lakini bado, wanaendelea kukutana na upinzani kutoka jamii jirani hivyo ili kuondoa tatizo hilo ni vema kukutana na kuweka mazingira mazuri.

Mkutano huo uliwakutanisha zaidi ya wadau 100 kutoka taasisi mbalimbali za Kiserikali na mashirika ya watu binafsi pamoja na Ngos Mbalimbali.