BALOZI MWAPACHU AIPASUA CCM,MAKADA WAIBUKA NA KUTAKA AFUKUZWE HARAKA SANA,DHAMBI YA USARITI KUMTESA,SOMA HAPO KUJUA

 

 NA KAROLI VINSENT

SIKU chache kupita baada ya Balozi Juma Mwapachu kutangaza kurudi rasmi katika Chama cha Mapinduzi CCM kwa  madai kuwa biashara zake haziendi vizuri kutokana yeye kuwepo kwenye vyama vya upinzania,

Nalo shirikisho la wanafunzi wa vyuo vikuu nchini ambao ni wanachama wa chama cha CCM wameibuka  nakukitaka chama chao kumfukuza mara moja Balozi Mwapachu kwa kile wanachodai ni msariti.

Akizungumza na waandishi wa habari mapema leo Jijini Dar es Salaam,Katibu Hamasa wa Shirikisho hilo, Mganywa Nzota amesema Kitendo cha Balozi Mwapachu kutangaza kurudi CCM kwa hoja ya biashara zake aziende vizuri ni suala linalokichafua chama hicho,

“Balozi Mwapachu amekivua nguo chama pale anaposema  biashara zake haziendi vuzuri  kutoka na yeye kuwepo upizani ni kuonyesha chama chetu kinalinda wakwepa kodi ambao wamekuwa wakiikosesha mapato serikali wakati jambo hilo sio kweli kwani sasa serikali ya Magufuli inapambana na wakwepa kodi,kwahiyo Balozi Mwapachu amechafua chama”amesema Nzota,

Nzota amesema licha ya kukichafua chama pia Balozi Mwapachu amekiuka katiba ya CCM ya mwaka 1977 na toleo la mwaka 2012 ibara ya tano kifungu kidogo cha kwanza kinaleza malengo ya msingi kushika dola,huku akisema Balozi Mwapachu kwa kauli zake wakati akihama chama hicho alitoa kauli ambazo zingeweza kusababisha chama kishindwe uchaguzi,

Nzota amesema kwa hoja hizo chama hakitakiwa hata kidogo kuendelea kuwa na Mwanachama huyo kubaki na kadi ya chama.

“Kwa mantiki hii kupokelewa kwake kimekifedhehesha chama na kukidhalilisha sana chama chetu tunakitaka kamati ya siasa ya Kinondoni kuwachukulia hatua kali viongozi wa CCM kata ya Mikocheni kwa hatua ya kumpokea Balozi Mwapachu”amesema Nzota.