WIZARA YA AFYA YAJA NA MPANGO HUU,SOMA HAPO KUJUA

Waziri wa Afya, Ustawi wa Jamii, Jinsia, Wazee na Watoto, Mhe. Ummy Mwalimu akizungumza katika mkutano wa mwaka wa mapitio ya sekta ya afya unaofanyika kwenye ukumbi wa Karimjee jijini Dar es salaam, wadau hao wa Sekta ya afya wanajadiliana mambo mbalimbali na baada ya kumalizika kwa mkutano huo kutakuwa na kusaini makubaliano yaliyofikiwa kwa utekelezaji katika sekta ya afya hapa nchini , Katika picha kulia ni Carol Hannon Mshauri wa Afya katika ubalozi wa Ireland nchini Tanzania.PICHA NA JOHN BUKUKU-FULLSHANGWE

Carol Hannon Mshauri wa Afya katika ubalozi wa Ireland nchini Tanzania akizungumza katika mkutano huo Kushoto ni Waziri wa Afya, Ustawi wa Jamii, Jinsia, Wazee na Watoto, Mhe. Ummy Mwalimu.

Dk.Ulisubisya Mpoki Katibu Mkuu wa Wizara ya Afya, Ustawi wa Jamii, Jinsia, Wazee na Watoto akichangia hoja  katika mkutano huo unaofanyika kwenye ukumbi wa Karimjee jijini Dar es salaam.

Dk. Deo Mtasiwa Naibu Katibu Mkuu wa Afya TAMISEMI akizungumza katika mkutano huo ambao umekutanisha wadau wa afya na kujadili changamoto mbalimbali zinazokabili sekta ya afya.

Baadhi ya wadau wakiwa katika mkutano huo

Waziri wa Afya, Ustawi wa Jamii, Jinsia, Wazee na Watoto, Mhe. Ummy Mwalimu katikati na Waziri wa Nchi Ofisi ya Rais TAMISEMI Mh. Suleman Jafo wa tatu kutoka kulia wakiwa katika picha ya pamoja na wadau wa sekta ya afya kwenye mkutano unaofanyika katika ukumbi wa Karimjee jijini Dar es salaam.

Waziri wa Afya, Ustawi wa Jamii, Jinsia, Wazee na Watoto, Mhe. Ummy Mwalimu katikati na Waziri wa Nchi Ofisi ya Rais TAMISEMI Mh. Suleman Jafo wa tatu kutoka kulia wakiwa katika picha ya pamoja na wadau wa sekta ya afya kwenye mkutano unaofanyika katika ukumbi wa Karimjee jijini Dar es salaam.

…………………………………………………………………………………………………………

NA KAROLI VINSENT

SERIKALI imesema  inatarajia  kuanza kutekeleza   mpango wa mkakati wa n ne wa sekta ya Afya wa mwaka 2015 hadi 2020 utakaogharimu  Sh Trion 21.

Mpango huo utajikita katika  kuboresha kiwango cha ubora wa huduma katika ngazi zote za afya  ya msingi kwa kuhakikisha kuwa kila mwananchi anafikiwa  na kitita bora cha Afya na Ustawi wa Jamii.

Akizungumza  leo  jijini  Dar es Salaam    wakati wa Mkutano wa 16 wa mwaka wa mapitio ya Sekta ya Afya  Waziri wa Afya  Maendeleo ya Jamii,Jinsia ,Wazee na Watoto Ummy Mwalimu  alisema mpango huo  umeainisha nikakati mitano  yenye lengo la  kufikisha huduma  bora muhimu za  afya na ustawi wa jamii katika ngazi za kaya  zote nchini.

Ametaja mikakati hiyo kuwa nii kuboresha uwiano wa upatikanaji wa huduma bora za Afya na Ustawi  wa  Jamii kwa kuondoa  tofauti zilizopo za kijografia,Kiuchumi na makundi maalum hususan  Wazee,watoto wajawazito na walemavu.

Pia  kuboresha  kiwango cha ubora  wa huduma katika ngazi zote za afya  ya msingi kwa kuhakikisha kila  mwananchi anafikiwa na kitita bora cha  afya na ustawi wa jamii.

Aidha amesema mipango mingine ni pamoja na kuboresha ushirikishwaji wa jamii katika kupanga na kusimamia huduma za afya katika jamii, uwekezaji katika mikakati na njia za kisasa na ubunifu na kutambua ushiriki wa jamii na sekta nyingine katika afya.

“Tumeamua kuungana na wadau wenzetu wa afya katika uzinduzi wa mpango mkakati utakaotusaidia kama taifa kuiboresha na kutatua changamoto mbalimbali za afya, lakini pia kujadiliana ni vipaumbele gani vitiliwe mkazo katika kutekeleza agenda ya huduma za afya” amesema.

Amevitaja vipaumbele ambavyo vimepitishwa kufanyiwa kazi ni pamoja na Kinga na Afya ya jamii, Uwiano, Ugharamiaji wa huduma za afya, Utawala na Uongozi, Rasilimali watu katika sekta ya afya, Dawa na Vifaa tiba, Ufuatiliaji tathimini na usimamizi wa takwimu sambamba na utoaji wa huduma.

Kwa upande wake Naibu Waziri wa Ofisi ya  Rais, Tawala za Mikoa na Serikali za Mitaa(TAMISEMI), Selemani Jaffo, alisema kuwa ikiwa ni jukumu lao la kuhakikisha wanatekeleza  sera ya afya kwa kila mwananchi hivyo wamejipanga kujenga vituo kila kata na zahanati kwa kila kijiji.

“Tunaona baada ya kuanzisha mfumo wa ukusanyaji wa pesa kwa njia ya kielektroniki tumefanikiwa kukusanya fedha nyingi katika nhospitali ya Tumbi ambayo ilikuwa ikikusanya takriban laki mbili hadi nne,lakini tunaona hadi sasa wamefanikiwa wanakusanya  milioni tatu hadi nne kwa siku” Alisema Jaffo.

MWISHO