SHEIKH PONDA NAYE AIBUKA SASA NA KULIKAANGA BAKWATA, NI KUHUSU SAKATA LA ZANZIBAR,,SOMA HAPO KUJUA

NA KAROLI VINSENT

SIKU moja kupita baada ya Baraza la Waislam nchini,(BAKWATA) kuuunga mkono marudio ya uchaguzi visiwani Zanzibar, naye

  KIONGOZI   wa Jumuiya na Taasisi za Kislam nchini,Sheikh Ponda Issah Ponda aimeibuka na kupinga   marudio ya uchaguzi  huo, kwa madai kuwa uchaguzi huo utawagawa wananchi visiwani humo,

Hata hivyo Sheikh Ponda amekanusha vikali kuhusu juu ya uwepo wa barua iliyoandikwa na kiongozi wa  jumuiya ya Uamsho Visiwani Zanzibar, Sheikh Farid Hadi Ahmad kwenda kwa Sheikh Mkuu mkoani Dar es Salaam,Sheikh Alhad Mussa Salum kuhusu kuunga mkono marudio ya uchaguzi visiwani Zanzibar.

Akizungumza na waandishi wa habari leo kwenye msikiti wa kichangani jijini Dar es Salaam,Sheikh Ponda amesema Jumuiya hiyo inaamamini uchaguzi  uliofanyika octoba 25 mwaka jana ulikuwa huru na wa haki.

“Uchaguzi huru na wa haki ulishafanyika octoba 25 mwaka jana,kwani Wazanzibar walitumia haki  yao ya msingi kuwachagua viongozi wanaowataka,na sisi hatuoni kosa lilofanywa mpaka uchaguzi ule kufutwa,”

“Ndio maana tunasema hatukubaliani na marudio ya uchaguzi ,marudio haya ya uchaguzi yataleta mgawanyiko mkubwa visiwani Zanzibar na kurudisha nyuma maendeleo”amesema Sheikh Ponda.

Sheikh Ponda amefafanua kuhusu barua ya Sheikh Farid kwa kusema kuwa anauhakika kuwa hakuna barua iliyoandikwa.

“Hakuna barua hiyo,na hizo ni habari za kuzusha tu kwani Sheikh Farid niliongea nae amenihakikishia kuwa aungani na kinachoendelea visiwani Zanzibar cha kurudiwa uchaguzi”Amesema Sheikh Ponda.