HABARI KUBWA-MAUAJI YA MAALBINO YAWAPONZA WAGANGA,WAZIRI CHIKAWE AAPA KUFA NAO SOMA HAPA KUJUA

Pichani ni Waziri wa Mambo ya ndani ya nchi Mathias Chikawe akizungumza na waandishi wa Habari leo jijini dar

NA KAROLI VINSENT

WAZIRI wa mambo ya ndani ya nchi Mathias Chikawe kwa kushirikiana na Mkuu wa jeshi la Polisi nchini IGP Ernest Mangu wamewataka   waganga wa kienyeji wanaofanya shughuli za kupiga Ramli kuacha maramoja kufanya kazi hizo,kwakuwa wamekuwa wakihusika na vitendo ya mauaji wa watu wenye Ulemavu wa ngozi Maalbino.

          Na pia Jeshi hilo limeanzisha msako nchi nzima na kuwasaka popote walipo  watu wanaohusika na vitendo  vya mauaji ya watu wenye ulemavu wa ngozi Albino ili sheria ichukue mkondo wake.

       Waziri Chikawe ameyasema leo Jijini Dar es Salaam wakati wa mkutano na Waandishi wa Habari,ambapo amesema nia ya serikali ya  kupiga marufuku waganga wa kienyeji wanaofanya kazi  ya kupiga  ramli unalenga kukomesha vitendo vya mauaji wa maalbino kutokana na waganga hao wa kienyeji kuhusika kwa kiasi kikubwa katika maauaji hayo

     “Jeshi la polisi litafanya operesheni maalum ya kuwatafuta wauaji wa maalbino na waganga wanaopiga ramli na tutashirikiana na wadau mbalimbali ili kuwabaini waganga wa kienyeji wanaofanya kazi ya upigaji ramli na kuwachukulia hatua kali ili kukomesha vitendo hivi na tukiwakamata tutawachukulia hatua kali za kisheria”alisema Waziri Chikawe.

pichani wa kwaza kulia ni Igp Ernest mangu akiwamakini 

        Waziri Chikawe aliongeza kuwa Jeshi hilo la polisi litashirikiana na wizara ya TAMISEMI ambao wanahusika na kusimamia serikali za mitaa ili kuwabaini waganga hao wanaopiga  ramli.

“Nawahakikishia wananchi tutawapata walipo wanaofanya vitendo vya upigaji ramli ambao tunajua tukishirikiana na Tamisemi ambao ndio wanasimamia serikali za mtaa kwakuwa wako maeneo yao wanaokaa kwani viongozi wakijiji watatusaidia kuwapata”

      Alibainisha kuwa watu wanaozania serikali itashindwa kuwapata waganga hao basi wanajidanya kwani serikali imejipanga na kutomeza vitendo vya mauaji ya Maalbino kama ilivyoweza kupoteza vitendo vya umwagi wa watu tindikali.

Mwenyekiti wa chama cha Maalbino  Ernest Kaiwa akufafanua jambo

Kwa upande wake Mwenyekiti wa Chama cha Maalbino nchini  Ernest kaiwa aliishukuru jeshi la polisi nchini kwa opareshen walioianzisha na kusema itawasaidia  kuondoa hofu waliokuwa nayo sasa kuhusu maisha yao.