SAKATA LA MAUAJI YA WANAWAKE DAR-KAMANDA KOVA AMALIZIA UBISHI KUHUSU MAUAJI HAYO-SOMA HAPA KUJUA

Na Karoli Vinsent

Jeshi la Polisi Kanda Maalum Dar es salaam limefanikiwa kuwakamata watu wawili ambao walikuwa wanatafutwa kwa muda mrefu kwa kufanya vitendo viovu vya utekaji, unyanyasaji kijinsia na mauaji ya wanawake.

Watu hao ni ABUBAKARI S/O AMANI @ KASANGA, Miaka 28, Mkazi wa Mwenge na EZEKIEL S/O KASENEGALA @ VALATANGA, Miaka 25, Mkazi wa Tandika jijini Dar es Salaam.

        Akithibitisha kuwakamata wahalihu hao Mda huu Jijini Dar es Salaam Wakati wa Mkutano na Waandishi wa habari ,Kamishna wa Kanda Maalum ya Dar Es Salaam Suleiman Kova ambapo alisema Watuhumiwa hawo wamehusishwa na vitendo hivyo baada ya upelelezi wa kina na wa kitaalam ambao umesaidia kuwakamata wahalifu hao wakiwa na vielelezo mbalimbali walivyobaki navyo baada ya kuwadhuru wahanga wa matukio hayo ambao wengi wao ni wanawake wenye rika la wasichana

         Kamishna Kova aliongeza kuwa, watuhumiwa hawo wamekiri kuhusika na mauaji ya WANZE D/O MAKONGORO, Miaka 23, Mkazi wa Bagamoyo,  aliyekuwa mwanafunzi wa Stashahada ya Ukutubi mwaka wa pili katika Chuo cha Bagamoyo na JACKLINE D/O FREDERIC  MASANJA @ SALHA, Miaka 30 Mkazi wa Kisarawe ambapo wote waligundulika kuuawa tarehe 19/11/2014 na kutupwa maeneo tofauti ya jiji la Dar es Salaam.

           Vilevile Kamishna Kova alisema  Baada ya kukamatwa watuhumiwa hao walikutwa na vielelezo ikiwemo Blouses mbili za kike,Sketi moja,Kikoi kimoja,Suriali ya kike moja,Sidiria moja,Mikoba minne ya kike ,Make-up tatu za kike,Bangili tatu,Shanga tatu,Kofia ya kulalia ya kike,Vibanio vya nywele na kitana kimoja,Mikufu miwili pamoja na Hereni pea tatu

           Aliongeza kuwa Katika mahojiano,watuhumiwa hao wamekiri kuhusika na matukio hayo ya mauaji. Kabla ya mauaji wamekuwa wakijihusisha na ulaghai wa kimapenzi, utekaji nyara, kuwawekea dawa katika vinywaji wahanga na hatimaye kuwaibia vitu vyao, kuwanyanyasa kijinsia na kusababisha mauaji

I          kumbukwe  kukamatwa kwa watuhumiwa hao imekuja kutokana na miaka ya hivi karibuni jijini Dar es Salaam kuripotiwa kuwepo  kwa vitendo vya wanawake hasa wasichana kupata madhara ya kila aina kutokana na wanawake hao kuingia kirahisi katika mitego ya mapenzi ambayo baadaye hugeuka kuwa madhara

         Katika Hatua Nyingeni Jeshi hilo la Polisi Kikosi cha Usalama barabarani Kanda Maalum ya Dar es Salaam kimeendesha oparesheni iliyoanza tarehe 01/11/2014 hadi tarehe 30/11/2014 ili kuhakikisha watumiaji wote wa barabara na vyombo vya moto wanazingatia sheria za usalama barabarani. Oparesheni hiyo imekuwa na mafanikio baada ya kupata Fedha ambazo zinatokana na Faini Jumla ya  Milioni mia sita na Hamsini na saba elfu laki sita na sitini elfu zimepatikana na Fedha hizo kupelekwa hazina.