MEYA WA MANISPAA YA KINONDONI AWASHUKIA WATENDAJI,ASEMA WAACHE KUTUMIA MAABARA KUFANYA UCHAKACHUAJI,

Na Karoli Vinsent

MSTAHIKI meya wa Manispaa ya kinondoni Yusuph Mwenda amewataka Viongozi wamanispaa hiyo kuacha kutumia  nafasi ya kuwachangisha wananchi  kwenye ujenzi wa Maabara katika shure za kata kama njia ya kufanya ufisadi badara yake wameaswa kuwa wazarendo.

       Wito huo umetolewa leo Jijini Dar es Salaam katika kikao na madiwani wa Manispaa ya Kinondoni  ili kujadili mambo mbalimbali ya maendeleo katika manispaa hiyo ambapo Mwenda amesema nia ya serikali ya kuwataka wananchi kuchangia katika ujenzi wa maabara ni nia nzuri yenye kukuza sekta ya elimu nchini na kuongeza wataalamu wa sayansi.

“kuhusu hili la kuchangia maabara madiwani wengi wamelalamika kwamba kunawatu wanatumia fursa hiyo kufanya ufisadi,kikweli siwezi kukataa kama tabia hiyo ipo,ila nawataka vitendaji wa manispaa hii ya kinondoni kutumia fursa hii kama njia ya kupata maabara nyingi na tuache kutumia fursa hii katika kufanya ufisadi kwani hata viongozi wetu wa serikali nia ya kufanya hivi ni kuongeza wataaramu nchini wa masuala ya sayansi”alisema Mwenda

             Kwa upande wake diwani wa kata ya mwabebande,Clement Boko CCM aliitaka Manispaa ya kinondoni kuweka ulinzi katika kata yake ya Mwabepande ili kuiondoa hofu jamii ya maeneo hayo ambapo wamekuwa wakiishi katika hali ya hofu kutokana na maeneo hayo kushamili vitendo vya kihalifu.