siku ya mtoto wa kike dunia=Mtandao wa kupinga ndoa za utotoni wafanya makubwa Dar

Mkurugenzi mtendaji wa KIWOHEDE ambaye pia ni mwenyekiti wa mtandao wa kupiga vita ndoa za utotoni (TCEMN) Bi. Justa Mwaituka akifafanua jambo mbele ya waandishi wa habari, Mwaituka amesema watoto wa kike wamekuwa wahanga wakubwa wa kuolewa wakiwa wadogo na wengine huolewa wakiwa bado hawajazaliwa kitu ambacho kinamnyima fursa mtoto huyo kuweza kuendelea na masomo pamoja na fursa zingine kama mwanaume

Mtandao wa mashirika yanayopinga ndoa za utotoni hapa nchin wakiserebuka na watoto katika maadhimisho ya siku ya mtoto wa kike Duniani yaliyofanyika jijini Daresalam mapema hii leo,Kwa mbali mkurugenzi wa kituo cha sheria na haki za binadam Bi Hellen Kijjo Bissimba akiwajibika katika siku hiyo.

Watoto wa kike wakiimba kwa furaha katika maadhimisho hayo ya siku ya mtoto wa kike dunia ambayo kila mwaka huazimishwa. Mtandao wa kupinga ndoa za utotoni ulianzishwa mahusi ili kumkomboa mtoto wa kike ambaye amekuwa ni muathirika mkubwa wa ndoa za utotoni

Tunacheza, watoto wakiwajibika katika siku hiyo muhimu katika ofisi za KIHOWEDE zilizopo jijini Daresalaam

Waandishi wa habari wakiwa makini kuuhabarisha umma kuhusiana na siku hiyo ya mtoto wa kike duniani. Watanzania wametakiwa kuachana na mila potofu ambazo ni kandamizi kwa mtoto wa kike.

Imeelezwa kuwa mtoto wa kike bado yuko katika wakati mgumu wa kuendelea kupata fursa za elimu kutokana na ukweli kuwa mtoto huyo ameendelea kubaguliwa tokea katika ngazi ya familia kitendo ambacho kinaendeleza ule utamaduni wa wanawake kuwa tegemezi wa wanaume,

Akizungumza na waandishi wa habari mapema hii leo, Mwenyekiti wa mtandao wa kupiga vita ndoa za utotoni TCEMN Justa Mwaituka amesema  hapa Tanzania bado hali si shwari kwani matendo ya kumbagua mtoto wa kike yanaendelea kukua kwa kasi ya kimbunga,

Mwaituka ameendelea kusema kuwa Mtoto wa kike ameendelea kubaguliwa tokea ngazi ya familia, wanaozesha mapema ili fedha ipatikane kaka yake akasome huko ni unyanyasaji wa mtoto wa kike aliongeza,

Mtandao huo wa kupiga vita ndoa za utotoni ulianzishwa rasmi mwaka 2012 ukiwa na jumla ya mashirika 35 ambao kwa pamoja wamelenga kuhakikisha mtoto wa kike naye anapata fursa saawa na yule wa kiume, wakisema ukimuelimisha mwanamke utakuwa umeelimisha taifa.

Katika kipindi chao chote tokea kuanzishwa kwa mtandao huo, inadaiwa bado mtoto wa kike ameendelea kukandamizwa kwa kunyimwa fursa za kupata Elimu Bora, huduma za afya, na lishe bora, haki ya kupata msaada wa kisheria,ulinzi dhiodi ya Ubaguzi,unyanyasaji na vitendo vingine vyote vya unyanyasaji wa kijinsia na usafirishaji haramu wa watoto hususani watoto wa kike.