SAKATA LA MIFUKO YA HIFADHI YA JAMII KUWA HOI,SSRA YASEMA UKWELI WA MAMBO ULIVYO SOMA HAPA KUJUA

Na Karoli Vinsent

SERIKALI nchini imesema hali ya mifuko ya Hifadhi ya Jamii hipo salama na kusema habari zozote zinazosemwa juu  Mifuko hiyo kuwepo katika hali mbaya ni za uongo na zenye  nia ya kuchonganisha serikali na wananchi.

       Kauli hiyo ya Serikali inakuja siku chache baada ya magazeti nchini kuripoti kwamba hali ya mifuko ya Jamii hipo katika hali mbaya na kusema  chanzo cha mifuko hiyo kuwa katika  hali  mbaya , kumetokana na serikali kukopa fedha nyingi na kushindwa kurudisha na kupelekea mifuko hiyo kuishiwa fedha

         Akikanusha Taarifa hizo leo Jijini Dar es Salaam  Mkuu wa uhusiano na uhamasishaji wa  Mamlaka ya Usimamizi na Udhibiti wa Sekta ya Hifadhi ya Jamii (SSRA) Be Sarah Kibonde Msika wakati wa mkutano na waandishi wa Habari ambapo alisema SSRA inasikitishwa na taarifa zinazopotosha juu ya mifuko ya hifadhi ya jamii na kuwataka wananchi wazipuuzie taarifa hizo kwani mifuko ya jamii ipo katika hali nzuri sana.

        “Nawatoa hofu watanzania wate waliosikia kwamba mifuko ya hifadhi ya jamii ipo katika hali mbaya kwani mifuko hiyo hipo vizuri na  kwa sasa serikali imeboresha maslahi ya wanachama kwenye mifuko hii na wengi wamekuwa wakipigia kelele hii sheria mpya ya mifuko ya hifadhi ya  jamii na kusema inawaibia wanachama sio kweli,”

“ kwani wanachama wa mfuko wa NSSF,PSPF ambao waliokuwa wakilipwa asilimia 65 kwa sasa watakuwa wanalipwa zaidi ya asilimi 70 watakapo staafu,kwahiyo mifuko hii ipo katika hali nzuri tu”alisema Msika

        Be Msika alizidi kusema wanachama walioko kwenye mifuko mingine ya hifadhi ya Jamii ikiwemo LPF,PPF watakapo staafu watalipwa pesa zao kwa kutumia mfumo wa zamani na kuongeza kuwa wanachama wapya waliojiunga kwaania mwenzi wa saba mwaka huu watatumi mfumo mpya ambao ni wafaida zaidi na kuwaongezea kipato.

         Naye mkurugenzi wa Huduma za sheria kutoka Mamlaka ya Usimamizi na Udhibiti wa Sekta ya Hifadhi ya Jamii (SSRA) Bwn Ngabo Ibrahimu alisema watanzania wazipuuze taarifa hizo na kusema ni jambo la ajabu sana mtu unavyosema mifuko ya hifadhi ya Jamii hipo katika hali mbaya wakati mifuko hiyohiyo imeongeza thamani ya pesa kwanachama wake,maana kitendo cha kuongeza fedha kwanachama wake ni kwamba mifuko hipo katika hali nzuri.

         Kuhusu Madai ya mradi wa ujenzi wa chuo kikuu cha Dodoma na chuo hicho kutorudisha serikalini,

Mkurugenzi huyo wa Sheria kutoka mamlaka hiyo alisema mpango wa ujenzi wa chuo cha Dodoma ni mpango wa kuboresha elimu nchini na madai ya kusema chuo hicho kimeshindwa kulejesha fedha serikalini ni uzushi wa watu wasiotaka kufuatilia mambo kwani fedha zimeaanza kurudi serikalini kupitia chuo hicho.