polisi feki anayedaiwa kuiba banki ya habibu apatikana,

KAMISHINA WA POLISI KANDA MAALUM YA DARESALAAM AKIMUONYEA KIDOLE MTUHUMIWA AMBAE INASADIKIWA KUFANYA MATUKIO YA KIUHARIFU KATIKA BANKI YA HABIB KWA KUTUMIA SARE ZA JESHI LA POLISI, MTUHUMIWA HUYO ANASADIKIWA ALIFUKUZWA KAZI YA KIPOLISI TOKEA MWAKA 2003 LAKINI MPAKA SASA BADO ANAJIFANYA NI ASKARI POLISI NA KUWAIBIA WATU

 

 Sadik Muya (kulia) kushoto ni Haji Abas, ambao hao wawili hapo pichani ni watuhumiwa  wawili wanaojihusisha na utekaji wa magari pamoja na ujambazi

Kamishina wa polisi Kova akimwaonyesha wanahabari leo Polisi aliyekuwa anawasumbua sana naleo kat

Sadik Muya (kulia) kushoto ni Haji Abas, ambao hao wawili hapo pichani ni watuhumiwa  wawili wanaojihusisha na utekaji wa magari pamoja na ujambazi

Kamishina wa polisi Kova akimwaonyesha wanahabari leo Polisi aliyekuwa anawasumbua sana naleo katiwa mbaroni

Akizungumza na Waandishi wa Habari leo, Kamanda wa Polisi Kanda Maalum ya Dar es Salaam, Kamishna Suleimani Kova, alisema  hadi sasa watuhumiwa waliokwisha kamatwa  katika tukio hilo ni 10 ambao tayari majina yao yalishatolewa mapema katikla vyombo vya habari.

Alisema  hata hivyo katika upelelezi wa kina imegundulika kwamba kompyuta ya marehemu inamilikiwa isivyo halali na mtuhumiwa  Maiga (Chief) na Polisi  wanaendea kufanya jitihada kubwa kwa lengo la kuipata “laptop” hiyo pamoja na simu moja ya marehemu.

“ Sasa imegundulika kuwa  mtuhumiwa huyo ndiye anayeimiliki laptop hiyo isivyo halali na Kuna dalili kuwa mtuhumiwa amegundua kwamba anatafutwa  hivyo anakwepa kukamatwa na anajificha maeneo tofauti tofauti ya jiji ikiwa ni pamoja na kusafiri sehemu mbalimbali hapa nchini kukwepa mkono wa sheria.

“Laptop hiyo ni muhimu sana katika kukamilisha upelelezi wa shauri la kesi iliyopo mahakamani na katika taratibu za kipolisi mtuhumiwa wa aina hiyo anatakiwa kutafutwa  kwa mujibu wa PGO No 238.

“Chini ya kifungu No: 238 kifungu kidogo cha 5(a) cha sheria na taratibu za Polisi katika suala la upelelezi la watu wanaotafutwa (Wanted Persons), sasa hivi mtu huyo ameingia katika sifa ya watu wanaotafutwa bila kificho ambapo sheria hiyo pia inatumika Kimataifa.

“Picha ya mtuhumiwa huyo itaoneshwa katika vyombo vya habari ili mtu yoyote atakayemwona na kumtambua ajulishe Jeshi la Polisi kwa madhumini ya kumkamata na kupata laptop hiyo muhimu.

“ Pamoja na hayo mtuhumiwa mwenyewe ni busara zaidi angejisalimisha kwani sasa kasi ya kumkamata mtuhumiwa itaongezeka na itakuwa inamhusu kila raia mwema wa Tanzania au nje ya nchi kutokana na urahisi uliopo kupitia mitandao ya habari.

“Jeshi la Polisi linawaomba raia wema wasisite kutoa taarifa zitakazosaidia kumkamata mtuhumiwa huyo kwani tukio la kuuawa kwa Dr. Sengondo Mvungi limeleta huzuni kubwa kwa wapenda amani na watanzania wote kwa jumla,,”alisema Kova.

Dk Mvungi ambaye alikuwa mjumbe wa tume ya mabadiliko ya katiba alivamiwa Novemba 3 mwaka huu nyumbani kwake Kibamba nje kidogo na Jiji la Dar es Salaam na alifariki dunia Novemba 12 mwaka huu  Katika Hospitali ya Milpark iliyopo Johannesburg, Afrika ya Kusini baada ya kuhamishwa kutoka Kitengo cha Mifupa(MOI) cha Hospitali ya Taifa ya Muhimbili.

Wakati huo huo,Jeshi la Polisi limefanikiwa kuwakamata watuhumiwa wawili wanaojihusisha na utekaji wa magari pamoja na ujambazi akiwamo Sadick Mohamed(50) mkazi wa Kigogo aliyekuwa askari wa kituo cha Polisi Oysterbay ambaye aliachishwa kazi mwaka 2003 kwa makosa ya kihalifu.

Kova alisema watuhumiwa hao walikamatwa jana asubuhi katika eneo la round about ya Mivinjeni ambapo walikuwa wakitaka kuliteka gari la sigara lenye namba T 399 BRF aina ya Canter mali ya Kiwanda kinachotengeneza sigara aina ya Club.

Alisema gari hilo lilikuwa likipeleka mzigo wa sigara bandarini kwa ajili ya kusafirishwa kuelekea Zanzibar kwa ajili ya kupelekwa sokoni.

Alisema katika tukio hilo walikuwa watuhumiwa wanne ambapo wawili walikimbia baada ya kuona wamezungukwa na askari na kufanikiwa kumkamata Haji Abas(30)mkazi wa Kinondoni B pamoja na Sadick ambaye alikuwa amevaa sare za Polisi.

“Alisema watuhumiwa hao walikutwa na kamba ambayo hutumia kumfunga dereva pindi wanapotaka kuiba gari au kufanya uhalifu wao, na uchunguzi uliofanyika  tumebaini kuwa amehusika katika matukio mbalimbali yaliyojitokeza hivi karibuni katika Benk ya Habibu na I&M Bank.

“Kutokana na ugumu wa usafiri unaowakabili wananchi wa Dar es Salaam watuhumiwa hao hutumia mwanya huo kuwalaghai abiria kwa kushusha kiwango cha nauli wakidai kuwa wanawapeleka katika maeneo yao na kisha kuwaibia vitu vyao hususani pochi za kina mama pamoja simu zao.

“Wahalifu hao tumewakamata wakitumia gari aina ya Serena Nissan ambayo ina muundo unaofanana na Noah yenye namba T 335 CLP ambalo wamekuwa wakitumia kufanyia uhalifu huo,”alisema Kova.

Kova alitoa onyo kwa askari ambao wameachishwa kazi kwa makosa mbalimbali kutojihusisha na vitendo vya kihalifu wakiwa wamevaa sare za polisi vinginevyo watachukuliwa hatua kali kwa mujibu wa sheria pindi watakapo kamatwa.