KUBWA LEO,HATIMAYE TCU YATANGAZA RASMI SIFA ZA KUJIUNGA VYUO VIKUU,VYA PANDA MARA MBILI,SOMA HAPO KUJUA

TUME ya vyuo vikuu nchini  (TCU) imetangaza rasmi kupandisha viwango vya kujiunga vyuo vikuu kwa wanahimu wa kidato cha sita toka point 2.5 mfumo wa awali hadi point 4 kwa sasa.

Pia  TCU imetanga sifa mpya kwa wale wahitimu wenye Stashahada ambao wanakata  kujiunga na chuo kikuu kwa sasa wanaorusiwa ni wale watakaopata  G.PA ya point 3.5 na kuendelea.Anaandika KAROLI VINSENT endelea nayo.

Akitangaza sifa hizo leo Jijini Dar es Salaam wakati wa mkutano na waandishi wa habari ,Mkurugenzi wa Udahili wa (TCU) , Dokta Fabian Mahundu ambapo amesema wamelazimika kupandisha viwango hivyo kutokana na kupata malalamiko kutoka wadau wa elimu kuwa kwa sasa kumekuwa  na kuwepo kwa  wasomi wasiokuwa na sifa kwenye ajira.

Dokta Muhundu amefafanua viwango hivyo ni kuwa kwa wale wanafunzi waliomaliza kidato cha sita mwaka huu na miaka ya nyuma sifa za kuingia chuo kikuu itakuwa ni  point nne na kuendelea.

“Yaani mchanganua ni kwamba mtu ukipata  A ni sawa na  point 5,B ni sawa na point 4,C ni sawa point 3,D ni sawa na point 2,E ni sawa na point 1,kwahiyo kwa sasa sifa ya kuingia chuo kikuu kwa wale waliomaliza kidato cha sita itakuwa ni kuanzia point 4 yaani D mbili na kuendelea”amesema Dokta Muhundu.

Dokta Mahundu amesema kwa wale wanafunzi waliomaliza mwaka jana ambao walikuwa wanatumia mfumo wa G.PA watakawaruhusiwa kuingia chuo kikuu ni kwaanzania point 6 na kuendelea.

Hata hivyo amesema kwa wale watahiniwa wa stashahada ambao wanataka kujiungia na  chuo kikuu wanaorusiwa ni wale walipata  G.PA ya kuanzia 3.5  na kuendelea.

‘Wale waliopitia diploma wanaruhusiwa kuingia chuo kikuu ni kuanzia G.PA ya Point 3.5 na kuendelea na pia awe  amepata alama ya D nne kwenye masomo ya O level”amesema Dokta Muhundu.  

Vilevile,Mtendaji huyo wa (TCU) amewataka wanafuni ambao watakosa sifa hizo amewataka kwenda kuanza kwenye ngazi ya chini na kujibidisha katika kusoma ili waweze kupata sifa za kujiunga na chuo kikuu.