VIJANA WA JKT WAMUANGUKIA RAIS MAGUFULI,SOMA HAPO KUJUA

NA KAROLI VINSENT

UMOJA wa Vijana waliopata mafunzo kupitia Jeshi la Kujenga Taifa (JKT), wamemuomba rais Dk.John Magufuli kusikiliza kilio chao cha ajira, kutokana na ugumu wa maisha unaowakabili.

Hatua hiyo inatokana na jitihada za vijana hao zaidi ya 300 kugonga mwamba katika utawala wa rais mstaafu Jakaya Kikwete baada ya kufanya maandamano mwaka jana kwa shinikizo la kukutana naye ili kumweleza tatizo hilo.

Akizungumza na waandishi wa habari jana jijini Dar es Salaam, Katibu Msaidizi wa Umoja huo, Mathias John alisema kupitia kauli mbiu ya rais Magufuli ya ‘Hapa Kazi Tu’ wanamuomba awatumie katika ujenzi wa taifa.

Alisema kauli mbiu hiyo inadhihirisha ni jinsi gani taifa na wananchi wake wanaweza kuendelea kwa kuchapa kazi, hivyo azitumie nguvu kazi zao katika sekta mbalimbali za kuinua uchumi.

“Kutokana na mafunzo tuliyopata katika kipindi cha takribani miaka mitatu, tunaamini nguvu kazi yetu ikitumiwa vilivyo basi tutapiga hatua kubwa, lakini zikiachwa ndio uzaa athari ikiwemo matukio ya kiuhalifu,”alisema.

Akitolea mfano wa athari, John alisema waliwai kutishia kufanya maandanamo ya siku tatu mfululizo kudai wapatiwe ajira, kutokana na kutojua hatma ya maisha yao jambo lililozaa chuki baina yao na utawala wa kipindi hicho.

Naye mmoja wa wajumbe wa Umoja huo, Omary Said alieleza kuwa vijana waliohitimu mafunzo hayo kwa sasa wanakabiliwa na hali ngumu ya kimaisha, huku baadhi yao wakiwa wapo mahakamani.

“Endapo nguvu kazi zetu zingetumika vyema ikiwemo ya wahitimu wenzetu sita waliopo mahabusu akiwemo Mwenyekiti wetu George Mgoba ambaye yupo katika hali mbaya, basi tungepandisha uchumi wetu kwa kasi kubwa;

Pi “Vijana wengi wamekuwa wakipelekwa JKT na kuahidiwa kupatiwa ajira, lakini toka mwaka 2000 hadi 2014 wameajiriwa vijana wachache na wengine tumekuwa tukiachwa,”alisema.