BANDARI YA DAR ES SALAAM KINARA WA UINGIZAJI WA KEMIKALI,MKEMIA MKUU WA SERIKALI AFUNGUKA,SOMA HAPO KUJUA

Pichani ni Mkemia mkuu wa Serikali Profesa Samwel Manyele

BANDARI ya Dar es Salaam imetajwa kuwa ni kinara wa uingizaji wa kemikali nchini kuriko mahari pengine.Anaandika KAROLI VINSENT endelea nayo,

     Hayo yemesemwa leo Jijini Dar Es Salaam na Mkemia mkuu wa Serikali na msajili wa Kemikali za majumbani pamoja na Viwandani,Profesa Samwel Manyele wakati wa mkutano na waandishi wa habari ambapo amesema  katika kipindi cha tangu January hadi octoba mwaka 2015 zimeingizwa kemikali zenye uzito wa tani  472,389,

  “Tani hizo zote zinapita kwa wingi kupitia bandari ya Dar es Salaam ambapo kwa sasa bandari hiyo imeingiza kiasi cha tani  281,468  sawa  na asilimia 44”amesema Profesa Manyele.

    Sanjari na Bandari ya Dar es Salaam Profesa manyele ameyataja maeneo mengine yanayoingiza Kemikali  ni Mipaka ya Tunduma,Kasumulu,Kasanga,Mtambaswala,Hororo pamoja na Bandari ya Mtwala,

      Amesema katika kupambana na kemili hizo ambazo baadhi  yake zinakuwa na madahara kwa binadamu,Idara yake imeajili watumishi mbali mbali ambao wamekwenda kwenye Bandari pamoja na mipaka yote kuhakikisha wanaziangalia na kuzipima kemikali zote ambazo zitakuwa zinafaa ua zisizo faa kabla hazijafika kwa wananchi,

      Pamoja na hayo ofisi hiyo ya Mkemia mkuu wa serikali imeandaa warsha  ambayo inatarajiwa kuanza kesho kwa wadau mbali mbali wa amasuala ya afya kutoka ndani nchi pamoja na nje nchi yenye lengo kutoa utafiti mbali mbali.

  “ Dhumuni la Warsha hiyo ni Kuwasilisha na kusambaza matokeo ya utafiti wa kuhamasisha matumizi salama ya kemikali katika ukanda wa Africa kwa kutumia shughuli za utafiti zilizofanyika katika Bandari ya Mombasa, Kenya na Tema Ghana”

     “Kufundisha nchi za ukanda wa Africa Mashariki juu ya namna ya kushughulikia na kusimamia kemikali hatari na zenye madhara, namna ya kujiandaa au kukabiliana matukio ya kemikali pamoja na kubadilisha uzoefu wa ushughulikiaji salama wa kemikali hizo kati ya nchi na nchi” amesema Profesa Manyele,

      Warsha hiyo ya siku mbili itakayoanza kesho tarehe 26 na kumalizika siku ya tarehe 27 itafanyika katika hoteli ya Protea jijini Dar es Salaam.