WAANGALIZI WA UCHAGUZI WAZIDI MIMINIKA NCHINI,SASA EAC NAO WATOA WAANGALIZI WAO,SOMA HAPO KUJUA

JUMLA ya waangalizi wa Uchaguzi 72 kutoka ndani ya Jumiya ya Afrika Mashariki wamewasili nchini kwa ajili ya kutazama Uchaguzi mkuu unaotarajia kufanyika mwishoni mwa wiki hii.Anaandika KAROLI VINSENT endelea nayo

         Akiwakaribisha waangalizi hao,Katibu mkuu wizara ya uhusiano wa Afrika Mashariki Joyce Mapunjo ambapo amesema kujitokeza kwa waangalizi hao hapa nchini inatokana na uhusiano mzuri ulijengeka kati ya Tanzania na nchi zinazounda Umoja huo.

Amesema Waangalizi hao wanatakiwa kufuata taratibu za Tume ya Taifa ya uchaguzi nchini NEC,huku wakiwa na jukumu moja tu la kuangalia haki na kanuni za uchaguzi zinafuatwa,

Amebainisha kuwa waangalizi hao mara baada ya Uchaguzi mkuu kumalizika watakuwa na kazi ya kutoa mtazamo wa uchaguzi.

Kwa upande wake kiongozi wa Waangalizi hao ambaye ni Makamu wa Zamani wa Rais wa  Kenya,Moody Awori amesema wao wamekuja kuhakikisha uchaguzi mkuu unafutwa huku sheria ikizingatiwa,

Amesema Waangalizi hao watazunguka nchi nzima ili kutazamia uchaguzi huu kama haki inafuatwa.