HABARI KUBWA LEO,MGOMO MKUBWA WANUKIA,NI WANAFUNZI VYUO VIKUU,WAAPA KUINGIA BARABARANI MDA WOWOTE,SOMA HAPO KUJUA

Picha ni kutoka maktaba yetu. Wanafunzi wa UDSM wakiandamana

WAKATI Serikali ikitarajia kusoma Bajeti ya mwaka 2015-2016 Bunge  Mkoani Dodoma,Wanafunzi  wa Vyuo vikuu mbali mbali nchini wametangaza kuanza mgomo mda wowote kuanzia sasa kuishinikiza Serikali iwalipe pesa na kujikumu za kila siku  ambazo zilitengwa kwenye Bajeti wa 2014-2015.Anaandika KAROLI VINSENT endelea nayo.

      Wakizungumza kwa  nyakati tofauti na Mtandao huu Wanafunzi mbali  mbali kutoka Vyuo Vikuu tofauti nchini  ambapo wamesema wameshindwa kuelewa na Ukimya wa Bodi ya Mkopo nchini kwa kushindwa kuwapatia Fedha za kujikimu kwa zaidi ya Miezi miwili sasa na kusema kuwa hawaoni Haja ya kuendelea kuingia madarasani kusoma.

       Akizungumza Kwa Jazba Mwanafunzi wa Shahada ya sheria kutoka chuo kikuu cha Mlimani amesema hawana sababu ya kuendelea kukaa darasani kwani mpaka sasa pesa ya kula waliokuwa nayo imekwisha vilevile  wakiandamwa na madeni makubwa kutoka kwa wanafunzi wenzao.

         “Tumeichoka hii Serikali kwanini haitujali sisi wasomi bwana maana tumekaa bila hata kula kwa siku nzima mpaka sasa hatujapewa pesa zetu kwa mda wa miezi miwili, mpaka sasa unategemea nini?,na hatupewi majibu ya kujitosha,bora tugome tu maana hatuna jinsi’alisema mwanafunzi huyo.

          Nao, wanafunzi wa Chuo Kikuu cha Tumaini  kilichopo Mkoani Arusha wametishia  kugoma kutokana na kutopewa Pesa hizo.

“Tumevumilia tumechoka bora tugome watu hatuna pesa za kijikimu na mitihani ya kumaliza mwaka imekaribia hivi wanazani tunaishiji?  Kama hawa wakina dada zetu huku wanafanya Ngono wapate pesa wewe unategemea nini bora tugome hii serikali tumeichoka bwana”Wamesema mwanafunzi wa hao.

   Bodi ya Mikopo wanena.

Akizungumza kwa sharti la kutotaja jina lake mtandaoni Ofisa mmoja wa Bodi ya Mkopo amesema kuwa Kama watu wanaotakiwa  kupewa lawama kwenye sakata hili sio wao  Bodi ya Mikopo bali ni Serikali yenyewe.

“Serikali sahivi haina Pesa kabisa,watu wawe wanona wakuwapa Lawama, leo  Serikali Pesa zake zimeelekezwa Tume ya Taifa ya Uchaguzi (NEC) kwenye Masuala ya BVR sasa wao wanataka kumlahumu nani, hapa bwana wafuate Serikali yao”amesema