Mbeto:Upinzani umewakatisha tamaa watanzania

Na Mwandishi  wetu, Zanzibar 

Chama Cha Mapinduzi (CCM) kimesema  kushamiri  kwa mivutano ,ombwe la uongozi na  demokrasia  ndani  ya vyama vya upinzani  huku viongozi wake wakigombana ni ushahidi  upinzani  hauwezi kuminiwa na watanzania 

Pia CCM kimewataka wananchi  kuvikwepa vyama hivyo kwakuwa haviko kwa ajili ya  hatma ya  kujali Amani , Utulivu na Umoja wa Kitaifa   .

Hayo yameelezwa na Katibu wa Kamati  Maalum  ya NEC  Zanzibar, Idara ya itikadi, Uenezi na Mafunzo, Khamis Mbeto Khamis ,  akiwa Bandarini Kisiwani Unguja ,akielekea katika Mkutano Mkuu wa CCM Jijini Dodoma.

Mbeto alisema kujitokeza kwa mitafaruku ya mara kwa mara ya uongozi ,viongozi kuvuana nguo hadharani ni dalili ya kutoaminika kwao  mbele ya wananchi.

Alisema viongozi  wa upinzani  hawafanyi siasa kwa ajili ya kutumikia wananchi ,kutoheshimu matakwa ya katiba zao , bali wapo kwa ajili ya kupigania vyeo na maslahi binafsi .

Alieleza,  kuna tofauti kubwa ya kisiasa na kiuongozi  kati  ya CCM na upinzani, viongozi wa  CCM wanajenga heshima ya taasisi yenye kuaminika , inayohimiza umoja  na  maendeleo,  upinzani una kazi ya kubeza  kila hatua za  kimaendeleo .

"Kugombana kwao na kuadhiriana , huku wakitukanana  na kunga'ng'ania madaraka ni wazi upinzani hauna  misingi imara  ,nidhamu ya vyama vyao ni butu na kutofuata  maadili  "Alisema Mbeto .

Aidha  alisema ni makosa  yatakayojutiwa na baadhi ya watu wanaovishabikia vyama hivyo bila kutojua  malengo  , sera na madhumuni ya kuundwa kwa vyama hivyo . 

'Wananchi  wasidhani shabaha, sera na malengo ya  upinzani yanafanana na   CCM. Hamuwezi mkawa na malengo maalum  ya kujenga Umoja, Amani na  kutumikia wananchi , mkaanza kuvutana wenyewe kwa wenyewe " Alionya Mbeto 

Alidai kuna viongozi wa upinzani wameonyesha dalili za udikteta huku baadhi yao wakiwa hawana hekima ,busara na maarifa ya kuogoza hivyo  hawafai kuchaguliwa na kuaminiwa.

"CCM kitaendelea kushinda  chaguzi  zote kwakuwa hakujatokea upinzani unaoaminiwa na wananchiHamuwezi kuwaachia  shamba  wanyama wahabaribifu mkadhani mtavuna mavuno yenye tija na faida  " Alisema Mbeto