CHAMA CHA ADC CHAMUANGUKIA RAIS MAGUFULI,SOMA HAPO KUJUA

NA KAROLI VINSENT

CHAMA cha Alliance Democratic Change (ADC) kimemuomba Rais John Magufuli kubadili agizo lake kwa vyama siasa lakutaka  vyama vya siasa nchini  kutofanya siasa mpaka 2020 kile alichosema achwe ajenge nchini ,

Chama cha ADC kimesema agizo hilo litaviangamiza vyama vya upinzani hasa vichanga kwa madai ya kushindwa kwenda kujiuza kwa wananchi ili navyo viweze kusikilizwa  sera zao.

Hata hivyo,Chama cha hicho kimetaka utaratibu utumike katika kuwaondoa katika utumishi wa umma watumishi 9933 ambao inadaiwa wamefoji vyeti vya kidato cha nne pamoja na vya taaluma ,

Maombi hayo yametolewa leo Jijini Dar es Salaam na Kamishna Mkuu wa Taifa wa Chama cha (ADC)Doni Mnyamani wakati wa mkutano wa kuwatambulisha viongozi wa wapya wa manispaa ya temeke wa chama hicho, ambao katika wilaya hiyo ni mwenyekiti wake ni Asha Mzee huku katibu wake ni Fred John.

Ambapo Mnyamani amesema agizo la Rais Magufuli kuvizuia vyama vya siasa linakwenda kinyume na sheria ya vyama vya siasa ya mwaka 1992 ambapo imevipa mamlaka vyama vyote kufanya siasa kwa lengo la kujijenga.

“Tunamuomba Rais abadili agizo lake ,aturuhusu tufanye siasa kwani sisi ADC tunashindwa kabisa kujiuza kama vyama vingine vikubwa,tunabidi twende kwa wananchi ili wananchi watujue sera zetu ili tuweze kufanya vizuri kwenye changuzi lakini kama agizo hili likiendelea basi tutashindwa kujilikana kw wananchi,hivyo tunamuomba Rais Magufuli atutazame tena”Amesema Mnyamani.

Hata hivyo,Mnyamani amezungumzia hatua ya watumishi waliofoji vyeti huku akitaka busara zitumike.

“Nafahamu wazi kufoji vyeti ni kosa la jina,hivyo sisi ADC tunaomba  busara itumike ya kuangalia kwa makini hawa watumishi kwani wengi wao wamelitumikia Taifa kwa kipindi kirefu sana huku baadhi ya wengi wakiwa na familia na watoto wanawategemea si vema kuwafukuza bila kuwapa hata haki zao za mafao”ameongeza kusema Mnyamani.