HATIMAYE SUKARI YASHUKA BEI RASMI,NI AGIZO LA MAGUFULI,BODI YA SUKARI YAWATANGAZIA KIAMA WENYE MADUKA YATAKA BEI ELEKEZWA IWE HII HAPA,SOMA HAPO KUJUA

 

 Pichani ni Mkurugenzi wa mkuu wa Bodi ya Sukari nchini,Henry Semwaza akizungumza na Waandishi wa Habari(Hawapo pichani) mda huu Jijini Dar es Salaam,

NA KAROLI VINSENT

HATIMAYE  Serikali ya Awamu ya Tano chini ya Rais John Magufuli  imekisikia kilio cha Wananchi kwa muda mrefu ambao walikuwa wakilalamikia bei juu ya sukari,

Ambapo Serikali hiyo  imeibuka na kutangaza bei elekezi ya SH 1800/ kwa kilo moja Sukari kwenye maduka yote ya rejareja nchini  Toka Bei ya Sh 2500 kwa kilo moja iliyokuwa sasa ,

Hata hivyo Serikali imesema haitasita kuwachukulia hatua kali kwa wauzaji ambao watakikaidi agizo hilo la bei elekezi.

Akizungumza na Waandishi wa Habari mda huu jijini Dar es Salaam Mkurugenzi wa mkuu wa Bodi ya Sukari nchini,Henry Semwaza amesema Bei hiyo itakakiwa kuanza kutumika mala moja kwenye maduka yote nchini kwa madai kuwa  sahivi hakuna uhaba wa sukari kwenye Maghala ya kuhifadhia sukari.

Semwaza amesema Wafanyabiashara wote wanapaswa kuzingatia agizo hilo pamoja na kuhakikisha kuwa sukari inaendelea kusambazwa na kuuzwa kwa wananchi bila kuhodhi

,

Amebainisha kuwa Maafisa wa Bodi hiyo kwa kushirikiana na Mamlaka zengine za serikali kote nchini,hususani Maafisa wa Biashara wa mkoa na Wilaya kuhakikisha wanasimamia utekelezaji wa Agizo hilo 

,

Amesisitiza kuwa Bodi hiyo haito shindwa kuchukua hatua stahiki za kisheria kwa wale wataobainika kupandisha bei au kuhodhi bidhaa hiyo