RUNGU TRA KUWAANGUKIA MC WA SHEREHE,WAPAMBAJI NA DJ,SOMA HAPO KUJUA

     

Pichani ni Mkurugenzi wa Huduma na elimu kwa mlipa kodi wa (TRA),Richard Kayomba akizungumza na waandishi wa habari h

NA KAROLI VINSENT

  KATIKA kuhakikisha inapata vyanzo vya Mapato ,Mamlaka ya Mapato nchini (TRA) ipo mbioni kuanza kukusanya kodi kutoka kwa  washereheshaji wa sherehe mbali mbali ,wapambaji wa sherehe hizo pamoja wapiga muziki (Ma DJ).

Hayo yamesemwa leo Jijini Dar es Salaam na Mkurugenzi wa Huduma na elimu kwa mlipa wakodi wa (TRA),Richard Kayomba wakati wa mafunzo ya wadau hao,ambapo Kayomba amesema  semina hiyo imekuja na mwamko kutoka kwa shereshaji hao ambapo alitaka kupata elimu kutoka TRA ili waweze kulipa kodi.

Amesema TRA ilipokea kwa kauli moja mwitoko huo kwa madai kuwa kwa sasa wao wanatafuta vyanzo vyengine vya mapato ili kuhakikisha wanaongeza mapato kwa serikali.

Amsema watu wanaofanya shughuri hizo wamekuwa wakipata fedha kutoka kwa wateja wao huku TRA  ilikuwa haipati fedha zinazotokana na kodi,

Mshereheshaji Rukia Mtingwa akizungumza na waandishi wa habari kuhusu Faida ya wao kulipa kodi

Kayomba amefafanuwa kuwa mara baada ya semina hiyo na wadau hao ,TRA watawawekea njia  ambayo itakuwa rafiki itakayowawezesha kulipa kodi kwa urahisi jambo analodai litachangia kuboresha maisha ya Mtanzania,

Kwa upande wao washereheshaji wamesema kitendo cha wao kuanza kulipa kodi ni jambo jema ambalo wanaliona litachangia kuibadilisha maisha ya Watanzania ambayo matumizi hayo ya kodi yataelekezea kuboresha huduma kwa jamii.