VIJANA WENGI NI WALEVI WA VIROBA,WASEMA TAMWA SOMA HAPA KUJUA

Pichani ni Mkurugenzi wa Chama cha Waandishi wa Habari nchi TAMWA BI Varelia Msoka akifafanua jambo picha na Maktaba

NA KAROLI VINSENT

CHAMA cha Waandishi wa Habari wanawake TAMWA kimesema  vijana wengi katika Jijini la Dar es Salaam hususani Wilaya ya Kinondoni ni Walevi kupita kiasi na kupelekea kuongezeka unyanyasaji wa kijinsia katika maeneo hayo .

       Hayo yamesemwa leo jijini Dar es Salaam na Mtendaji wa chama cha Waandishi Wanahabari nchini TAMWA Bi Varelia Msoka wakati wa semina kwa waandishi wa habari kuhusu kuripoti ya habari za watu waliokumbana na vitendo vya unyanyasaji wa kijisinsia,ambapo pamoja na mambo mengine alisema kwa sasa hali ya vijana-,

     Kujiingiza katika vitendo vya matumizi ya pombe vimeongezeka kwa kiasi kikubwa na kutishia maendeleo kwa vijana.

“Tulifanya utafiti katika wilaya ya kinondoni kwenye baadhi ya kata tukabaini vitendo vya utumizi wa pombe hususani viroba vimeongeza kwa kiasi kikubwa na kwani kila duka vinywaji hivyo vya viroba vinauzwa huku watumiaji wengi wakiwa vijana tena wenye elimu wanatumia vilevi hivyo”

       Bi Msoka aliongeza kuwa licha ya wilaya ya kinondoni kuwa na vyuo vikuu vingi ambavyo ni Chuo kikuu cha Mlimani,Chuo kikuu huria na chuo kikuu cha Tumaini lakini bado jamii ya wasomi imeshindwa hata kutoa elimu kwa vijana kuacha utumiaji wa pombe.

           Naye Kaimu Mkurugenzi wa Tamwa, Gladness Munuo aliitaka serikali za mtaa pamoja na za vijiji kuona haja ya kutoa elimu kwa vijana na kutoa matamko kuishinikiza serikali kuu ili kupambana na vitendo vya unywaji pombe kwa vijana hasa kipindi cha kazi.