KUPIGWA KWA HAMISI TAMBWE,YANGA YASEMA MAZITO,NI KWENYE MECHI YA RUVU SHOOTING SOMA HAPA KUJUA

Pichani ni Afisa Habari wa Klabu ya Yanga Jerry Murro picha na Maktaba

NA KAROLI VINSENT

KLABU ya  Soka ya Yanga imelivaa shirikisho la mpira wa Miguu nchini TFF na kulitaka limwondoe kwenye Ratiba ya mechi zilizobaki,Mwamuzi aliyechezesha mechi kati yao na Ruvu Shooting iliyofanyika Jumamosi wiki iliyopita kwa madai mwamuzi huyo ametumwa kwa ajili ya kuihujumu timu yao.

           Na pia Klabu hiyio imesikitika na ukimya waliokuwanao shirikisho la mpira wa Miguu nchini TFF,katika kuwachukulia hatua wachezaji wa Ruvu Shooting kwa Fujo walizofanya katika mechi hiyo kwa Mshambuliaji wake Hamis Tambwe.

             Maamuzi hayo yametangazwa leo Jijini Dar es Salaam na Afisa Habari wa Klabu ya Yanga Jerry Murro wakati wa Mkutano na Waandishi wa Habari ambapo amesema Klabu hiyo imechoka na hujuma wanazofanyiwa mwamuzi aliyechezesha mechi yao kwakufumbia makosa aliyoyafanya Beki ya timu ya Ruvu Shooting kwa kumkaba koo mshambuliaji wao na kumtolea maneno machafu.

             “Tunalaani vitendo hivyo na klabu ya Yanga  inasikitika na ukimya ulionyeshwa na Shirikisho la Mpira TFF,pamoja na Bodi ya Ligi  na chama cha Waamuzi  nchini FRAT, kwa ukimya  na matukio ya kinyama aliofanyiwa mchezaji wetu Hamisi Tabwe na sisi tunasema hii ni hujuma”

               “Viongozi tunalaani vikali vitendo vya kibaguzi na vya kichochezi alivyoitwa mchezaji wetu kwa kuitwa Mkimbizi,wakati mchezaji huyo yupo kihalali na sheria ya za mpira wa Mguu Duniani FIFA ,tunapinga kauli hizi, lakini leo wasimamizi wa mpira wa nchi hii wako Kimya nasema hatutakubali”alisema Murro.

       Murro aliongeza kuwa kwa kuona uvunjifu huo wa kanuni za mpira amemuagiza mwanasheria wa Klabu ya Yanga kuliandikia barua Shirikisho la Mpira TFF  na kulitaka kuondoa mara moja jina la mwamuzi huyo wa kati aliyechezesha mechi zao katika mechi zilizobaki na kutompanga kwenye mechi yeyote inaowahusu Wao,na endapo TFF wakigeuka basi Klabu hiyo itasusia mechi zote za Ligi kuu.

         Kwa upande wake Mshambuliaji wa Kimataifa kutoka Burundi Hamisi Tambwe aliyefanyiwa Rafu mbaya na Beki ya Ruvu Shooting alisema anashangaa sana kwa uchezaji mbovu wa wa beki huyo na kusongeza kuwa mchezaji huyo  amemtamkia maneno machafu.

          “Nasikitika sana kwa mchezaji Yule kuninyanyapaa kiasi hichi kwa kunipiga hadi kunikaba koo,wakati mchezo mpira ni mchezo wa “Fair Play”sasa nashangaa kwanini ananifanyia hivi”alihoji Tambwe.