HOTNEWS-MHARIRI WA GAZETI LA TANZANIA DAIMA NUSURA WAPIGANE NA NYAMBUI,SOMA HAPA KUJUA

Pichani ni Katibu Mkuu wa Mchezo wa Riadha nchini Suleiman Nyambu akifafanua Jambo kwenye Mkutano na Waandishi wa Habari jana Picha na Suleiman Magari

Na Karoli Vinsent

KATIKA hali isiyokuwa ya Kawaida Kaimu mhariri wa Gazeti la Tanzania Daima Tullo Chambo na pia Mjumbe wa Taifa wa Riadha (RT) nusura wapigane na Katibu mkuu wa Riadha Taifa  (RT)   Suleiman Nyambui  kutokana na kupenyezwa jina la kiongozi atakayesimamia mashindano ya  Uhuru Marathoni ambapo Mhariri huyo akuridhika

    Hayo yalitokea jana wakati wa Mkutano na Waandishi wa Habari uliitishwa na Waandaaji wa  Mashindano Uhuru marathoni kuzungumzia mashindano hayo yanafanyika wiki ijayo,ambapo Katibu wa Riadha Taifa Suleiman Nyambui alipopewa nafasi  kiongozi wa Riadha Taifa kuzungumzia  mashindano hayo ndipo akawataja viongozi watano watakaosimamia-

   Shughuli nzima,ambapo baada ya kutajwa majina hayo ndipo Mwandishi huyo Mwandamizi na pia Mhariri wa Gazeti la Tanzania Daima akanyosha mkono ili kupewa nafasi ambapo alipopewa Nafasi alipinga na kusema majina ya viongozi hao kusimamia Mashindano hayo hayajathibitishwa na viongozi pamoja na Wajumbe wa Taifa wa mchezo wa Riadha nchini.

      Baada ya Mhariri Tullo kusema hivyo huku Nyambui akiwa amechukizwa na kitendo cha mhariri huyo kusema ukweli,ikamfanya Mratibu wa Mashindano hayo  Innocent Melleck kumtaka Tullo chambo kuacha kumzungumzia suala hilo kwakuwa Dhumuzi la kuitisha Mkutano na Waandishi wa Habari halikuwa suala hilo na kuwataka waende wakazungumzia kwenye mikutano yao.

      Licha Bwana Melleck kusema hivyo baada ya Mkutano huo Kumalizika na Waandishi wa Habari bado Majibizano yaliendelea huku sasa ikiwa nusura wapigane baada ya Tullo Chambo kumtaka Katibu Nyambui asema ukweli kwa watanzania kwani amewateua watu anawajua yeye kusimamia mashindano hayo huku wengine sio viongozi wa Mchezo wa Riadha nchini,

     Ambapo baada ya kusema hivyo Katibu huyo akataka kumfuata Tullo ili kupigana nae mambo hayakuwa hivyo baada ya Jitihada zilizofanya na Waandishi wa Habari ziliweza kumzuia Katibu huyo kutaka kufanya Jambo hilo la Ajabu.

     Ndipo Jitihada hizo zilizaa matunda na baada ya watu hao wawili kutuliza Ghaziba walizokuwa nazo.

       Huku wawili hao wakiwa wametuliza Hasira zao,Mwandishi wa Mtandao huu alipokuwepo Mkutanoni hapo,alipomfuata Mratibu wa Mashindano hayo ya Uhuru Marathoni kutaka kujua kulikoni anamruhusu kiongozi huyo kufanya Mambo ambayo hayana Utaratibu alisema.

       “Mimi Tullo namjua Vizuri amekuja hapa kuniharibia tu,najua wanachukia  haya mashindano ya Uhuru Marathoni kwa madai mashindano haya yangekuwa ya kwao Riadha Taifa (RT) eti mimi nimeyapora mashindano haya kwao,na hata pia kwenye Mkutano wangu na Waandishi wa Habari mimi nilimuita Mwandishi mmoja wa Tanzania Daima ambaye ni Khadija Kalili na sio Mhariri na najua kaja kwa nia gani Tullo”alisema Innocent.

         Kwa upande wake Mdau wa Riadha nchini ambaye aliwai kuwa mwanariaza nchini William Gidabudai alipotafutwa kuzungumzia mtafaruku huo wa Viongozi wa Riadha alisema yeye amesikia kilichokuwa kinataka kutokea kwenye mkutano na Waandishi wa Habari.

“Mimi nimesikia kwamba Tullo Chambo na Suleiman Nyambui wanataka kupigana kiukweli anachokifanya Tullo ni sahihi Lengo lake ni kutetea Haki na usawa kwenye Mchezo wa Riadha na huyo Nyambui anafanya ubabaishaji tu kutaka kuharibu Mambo”alisema Gidabudai.

             Alipotafutwa Katibu wa Riadha nchini Suleiaman Nyambui alisema naye  alisema  moja tu kwamba Mwandishi wetu amtafute Tullo chambo ndio asema sio yeye.

      Naye Tullo Chambo alipohojiwa na Kituo cha Magic Fm kuhusu fujo hiyo alisema anachokidai yeye ni sawa kwani taratibu hazikufuatwa na Nyambui kwani alifanya mambo kinyume na utaratibu.