TPSF YAITAKA SERIKALI KUWAPA FURSA WAZAWA KUWEKEZA KATIKA SEKTA YA USAFIRISHAJI, MENGI ASEMA WAZAWA WANAWEZA NA WASIBEZWE.. HABARI KAMILI SOMA HAPA

Serikali imeombwa kuboresha miundombinu ya reli na kuiachia sekta binafsi kuwekeza katika usafirishaji ,ikiwemo kununua mabehewa na vichwa ili kufikia mpango wa matokea sasa (BRN) kwa haraka.

Akizungumza jijini Dar es salaam mwenyekiti wa taasaisi ya sekta binafsi(TPSF) Reginald mengi amesema kuwa ni muhimua sekta ya reli ikaboreshwa zaidi kwa kuwa itasaidia kupunguza gharama hasa katika usafirishaji wa mizigo.

Mwenyekiti huyo amesema kuwa watanzania wanauwezo mkubwa wa kuwekeza katika kununua mabehewa na vichwa kama serikali itaweza kuwapa nafasi katika kukamilisha mipango hiyo.

Bwana Mengi aliongeza kuwa kwa sasa usafiri wa reli unachangamoto kubwa kutokana na uchakavu mkubwa ambao unasababisha usafari huo usiweze kusaidia kukuza uchumi wa nchi.

Mwenyekiti huyo wa TPSF alishauri Serikali kuwapa mikopo sekta binafsi ili waweze kushiriki kwa ufanisi katika kusaidia sekta ya reli nchini.

"Serikali iweke mazingira mazuri kwa wawekezaji wa ndani kwani kwa kufanya hivyo itasaidia kuongeza uchumi wa ndani na kuboresha hali zetu na kupunguza umasikini kwa watanzania" amesema bwana Mengi

wakati huohuo mkurugenzi wa sera na mipango wa wizara ya uchukuzi ndugu Gabriel Migire amesema kuwa katika utekelezaji wa BRN wametoa kipaumbele kuhakikisha reli na bandari zinafufuliwa. 

Amesema katika mpango huo wanakarabati reli ,wanaongeza mabehewa na injini ili kuhakikisha mwaka 2016 reli isafirishe tani milioni tatu kutoka tani 200,000 za sasa.