Masheikh, Maimam kuburuzwa mahakamani

SHEKHE wa Mkoa wa Dodoma (BAKWATA) Mustaph Rajabu amesema mashekhe, maimamu na walimu ambao watakaongundulika kufungisha ndoa kwa kutumia vyeti feki wataburuzwa kwenye vyombo vya kisheria ikiwemo na kuwaondoa kwenye nafasi zao za madarakani.

 

Aidha Shekhe Mustapha, amesema kuwa mashehe,maimamu na walimu ngazi ya kata ambao wanaoshindwa kujitambua kwenye kazi yao watalazimika kupisha kwenye nafasi zao

 

Shekh Rajabu ametoa onyo hilo alipokuwa akizungumza na viongozi hao wa ngazi mbalimbali wakiwemo mashekhee,maimamu na walimu kwenye semina ya kuwajengea uwezo iliyofanyika jijini Dodoma.

 

Alisema kuna baadhi ya walimu maimamu ambao siyo waaminifu kwenye nafasi zao kutokana na kujiingiza kwenye utapeli wa kuwafungisha wanandoa kwa kutumia vyeti visivyotambuliwa na Baraza Kuu la Waislamu Tanzania (BAKWATA).

 

“Mimi kama kiongozi wenu wa  mkoa kwa kushirikiana na wasaidizi wangu wa wilaya,kata.mitaa kamwe hatutakubali kuona udharirishaji huo ukifanyika wa kufungisha vyeti vya bandia kwenye hizo ndoa kwa sababu tu ya kutaka kujipatia umaarufu na vijihela”alisema