HABARI KUBWA LEO-BAKWATA WAPINGANA NA MAASKOFU,TAASISI YA KIISLAM,WAUNGANA NA SERIKALI,SOMA HAPA KUJUA

Pichani ni  Mkuu wa Bakwata mkoa
 wa Dar es Salaam Sheikh Alhad Mussa Salum
Picha na Maktaba 

BARAZA la kiislam nchini (BAKWATA) limewataka waamini wote wa dini ya kiislam nchini kuisoma Katiba iliyopendekezwa na Bunge Maalum la Katiba kuielewa na kuipigia kura ifikapo tarehe 30-april kwaka huu.Anaandika KAROLI VINSENT endelea nayo.

       Kauli hiyo ya  BAKWATA inakwenda tofauti na  Mwamvuli wa Jukwaa la Wakristo Tanzania, ambalo  ni pamoja la Baraza la Maaskofu Katoliki Tanzania (TEC), Jumuiya ya Kikristo Tanzania (CCT) na Baraza la Makanisa ya Kipentekoste Tanzania (CPCT) ambao wao walitoa tamko ambalo limesomwa kila kanisa wiki hii-

        Likiwataka waamini wa dini ya  kikristo kupigia kura ya Hapana katiba iliyopendekezwa na Bunge Maalum la Katiba.

      Mbali na maaskofu Bakwata wamekwenda tofauti na Jumuiya ya Taasisi za kiislam nchini ambao nao wamewataka pia waamini wa dini hiyo kupigia kura ya hapana katiba hiyo kama haitoitambua Mahakama ya Kadhi.

        Kauli ya Bakwata imetolewa mda huu jijini Dar es Salaam,na Mkuu wa Bakwata mkoa wa Dar es Salaam Sheikh Alhad Mussa Salum wakati wa Mkutano na Waandishi Habari pamoja na mambo mengine  amesema kwa sasa wao Bakwata hawezi kuwataka waislam nchini kuipigia kura ya hapana katiba iliyopendekezwa na Bunge Maalum la Katiba.

  “sisi tumewataka waamini wa dini ya kiislam nchini kuisoma kwa umakini katiba iliyopendekwa na Bunge maalum la Katiba na ikifika wakati wa kupigia kura waamue wenyewe,maana sisi hatuwezi kuwalazimisha sisi kupigia kura hapana kama wanavyofanya wengine”amesema Sheikh Salum.

      Sheikh Salum ameongeza kuwa kwa kuwataka waislam nchini kuitafuta katiba iliyopendekezwa na Bunge maalum,

       Katika hatua nyingine Sheikh Salum ambaye ni mwenyekiti wa kamati ya Amani  amemvaa katibu mkuu wa chama cha mapinduzi CCM,Mh Abdurahman Kinana kutokana  na kitendo chake cha kumshambulia Waziri wa Maliasili na Utalii Lazaro Nyalandu kwa kumwita waziri huyo ‘eti anazurula tu na wala afanyi kazi yoyote na kwamba anathamini wanyama kuliko binadamu”

   “Kamati  ya amani imesikitishwa sana na kauli  za kinana ambazo zinalengo kumbeza waziri nyalandu katika jitihada zake anazochukua katika kupambana na majangili wa wanyama ambao wamekuwa wakimaliza wanyama”Ameendelea kusema Sheikh Salum.

         Aidha Sheikh Salum amemtaka katibu huyo wa CCM kuacha kumbeza Waziri Nyalandu na akamtaka kuwaangali wakuu wa wilaya pamoja na mikoa ambao wamekuwa na tabia ya kuzurula bila kuwa na mipango yoyote.

      Kamati hiyo ya Amani ambayo inaongozwa na Mwenyekiti Sheikh Salum pamoja na kuundwa na viongozi mbali mbali wa dini ya kikristo pamoja na dini ya Kiislam.